Syrtqy ıster ministrlıgı Qazaqstan aumaǧynan ūşqyşsyz ūşu apparattary ıske qosylǧany turaly aqparatty joqqa şyǧardy, dep habarlaidy «Adyrna» tılşısı.
«Soŋǧy uaqytta keibır BAQ-ta Resei Federasiiasy aumaǧyndaǧy obektılerge şabuyl jasau kezınde qoldanylǧan ūşqyşsyz ūşatyn apparattardy ūşyru üşın Qazaqstan Respublikasynyŋ aumaǧy paidalanyluy mümkın degen arandatuşylyq mälımdemeler taratyluda. Syrtqy ıster ministrlıgı atalǧan mälımdemelerdıŋ şyndyqqa säikes kelmeitının jäne eşqandai derekpen ne faktımen rastalmaitynyn resmi türde mälımdeidı»,—delıngen habarlamada.
Ministrlık mūndai jariialanymdardy ekı el arasyndaǧy dästürlı dostyq qarym-qatynastyŋ sipatyn būrmalauǧa baǧyttalǧan negızsız alypqaşpa pıkırler dep atady.
«Qazaqstan öz aumaǧynyŋ, äue keŋıstıgınıŋ jäne infraqūrylymynyŋ basqa memleketterge qarsy baǧyttalǧan äreketterdı jüzege asyru üşın paidalanyluyna jol bermeidı. Osyǧan bailanysty BAQ ökılderı men özge de tūlǧalardy tek tekserılgen derekterge süienuge jäne jalǧan aqparat taratudan bas tartuǧa şaqyramyz», – delıngen tüsınıktemede.
