Armeniia astanasy Erevanda Qazaqstannyŋ mädeni künderı aiasynda qazaqtyŋ ūly oişyly jäne aqyny Abai Qūnanbaiūly atyndaǧy saiabaqtyŋ saltanatty aşyluy öttı, dep habarlaidy "Adyrna" ūlttyq portaly.
Armeniiaǧa resmi sapary barysynda memleketter basşylary arasynda jasalǧan kelısımnıŋ nätijesınde jüzege asty.
Is-şaraǧa Qazaqstannyŋ Mädeniet jäne aqparat ministrı Aida Balaeva, Armeniianyŋ bılım, ǧylym, mädeniet jäne sport ministrı Janna Andreasian, Erevan merınıŋ bırınşı orynbasary Armen Pambuhchian jäne Qazaqstannyŋ Armeniiadaǧy elşısı Bolat İmanbaev qatysty. Sondai-aq ekı eldıŋ ziialy qauym ökılderı, jergılıktı tūrǧyndar men qonaqtar jiynǧa kuä boldy.
Aşylu saltanatynda söz söilegen Aida Balaeva Armeniia bilıgıne alǧysyn bıldırıp, būl oqiǧanyŋ ekı el arasyndaǧy mädeni bailanystardy odan ärı tereŋdete tüsetının atap öttı.
— Armeniia astanasynda qazaqtyŋ ūly aqyny ärı oişyly Abai Qūnanbaiūlyna arnalǧan saiabaq aşylyp otyr. Būl — ekı halyq arasyndaǧy dostyqtyŋ, özara qūrmet pen ruhani bailanystyŋ aiqyn körınısı, — dedı ministr.
Is-şara barysynda Qazaqstan men Armeniia ministrlerı saiabaqqa estelık retınde aǧaş otyrǧyzdy. Aşylu soŋynda Abaidyŋ "Segız aiaq" şyǧarmasyn oryndaǧan dombyraşylar ansamblı men jergılıktı önerpazdar konsert qoiyp, qonaqtar qazaq halqynyŋ ūlttyq taǧamdary jäne mädenietımen tanysty.
Sapar aiasynda Aida Balaeva bastaǧan delegasiia Mesrop Maştos atyndaǧy Matenadaran — köne qoljazbalar ǧylymi-zertteu institutyna baryp, armian halqynyŋ jazba mūralarymen tanysty.
Aita keteiık, Abaiǧa arnalǧan eskertkışter men biustter älemnıŋ ondaǧan elınde ornatylǧan. Al Armeniiada bügıngı taŋda 100-den asa qazaqstandyq käsıporyn jūmys ısteidı.
Ūqsas jaŋalyqtar
