Biyl «Qazaqstan äielderı» qoǧamdyq-saiasi jurnalynyŋ jaryq körgenıne 100 jyl tolyp otyr, dep habarlaidy «Adyrna» tılşısı.
Basylym 1925 jyldyŋ mamyr aiynda «Teŋdık» gazetınıŋ negızınde «Äiel teŋdıgı» atauymen Orynbor qalasynda şyqqan bolatyn. 1926 jyldyŋ şılde aiynan bastap «Teŋdık» gazetı taralymy 3000 danany qūraityn «Äiel teŋdıgı» atauymen şyǧa bastady.
Jurnaldyŋ alǧaşqy redaktory – Qazaqstannyŋ qoǧam qairatkerı, redaktorlar men jurnalister arasyndaǧy tūŋǧyş äiel, Qyzyl kiız üiler men senbılıkterdıŋ ūiymdastyruşysy Sara Esova. Jurnaldy şyǧaru jūmysyna Ş.Qojahmetov, R. Sügırov, S.Mūqanov belsene qatysqan. 1955 jylǧy qaŋtar aiynan bastap jurnal «Qazaqstan äielderı» bolyp qaita ataldy.
Jurnal äiel qūqyǧy, olardyŋ qoǧamdaǧy jäne otbasyndaǧy rölı, Qazaqstannyŋ dästürlerı men mädenietı, sändegı zamanaui ürdıster, sūlulyq pen densaulyq turaly syndy taqyryptardy köterıp jür. Basylym «Qūrmet belgısı» ordenımen marapattalǧan.
Qazırgı uaqytta «Qazaqstan äielderı»qoǧamdyq-saiasi, ädebi-körkem jurnaly taqyryptardyŋ özektılıgın jäne materialdardyŋ joǧary sapasyn saqtai otyryp, tūraqty türde şyǧudy jalǧastyruda. Jurnal ekı aida bır ret 1700 danamen şyǧady.
