Shymkentte Uly Jeńistiń 80 jyldyǵyna oraı birqatar is-sharalar ótti. Máselen «Erlikke taǵzym» akııasy aıasynda qala aýmaǵyndaǵy Uly Otan soǵysy batyrlarynyń eskertkishteri men memorıaldary tazalanyp, jóndelip, aınalasy abattandyryldy. Onyń ishinde Abaı saıabaǵyndaǵy «Dańq» memorıaly, «Jeńis» saıabaǵyndaǵy general Sabyr Rahymovtyń eskertkishi, sondaı-aq, dańqty qolbasshy Baýyrjan Momyshulynyń, qazaqtyń batyr qyzy Álııa Moldaǵulovanyń jáne ózge de eskertkishterdiń aınalasy tazalanyp, abattandyryldy.
– Búgin biz qalamyzdaǵy Abaı saıabaǵynyń aýmaǵynda ornalasqan «Dańq» memorıalynyń aınalasyn tazalap, retke keltirip, osy aýmaqty abattandyryp jatyrmyz. Bul – bizdiń Uly Otan soǵysynda Otanyn qorǵaý jolynda qurban bolǵan batyr babalarymyzdyń rýhyna jasaǵan taǵzymymyz. Jalpy, Uly Jeńistiń 80 jyldyǵyn keń kólemde atap ótý arqyly jas urpaqtyń boıyna otansúıgishtik qasıetti sińire alamyz, – deıdi akııaǵa úles qosqan erikti jas Araı Álim.
Aıta keteıik, Shymkent qalasyndaǵy «Dańq» memorıalynda elimizdiń ońtústik óńirinen maıdanǵan attanǵan 140 myńnan astam ardagerdiń esimi jazylǵan.
Sonymen qatar «Ardaǵym ardagerim» akııasy aıasynda qala jastary Uly Otan soǵysynyń ardagerleri men tyl eńbekkerleriniń úıine bardy. Jastar ardagerlerdiń úı sharýasyna kómektesip, azyq-túlik pen dári-dármek satyp áperdi. Otanyn qorǵaý jolynda basyn báıgege tikken ardagerlerge qurmet kórsetip, alǵysyn bildirdi.
Atap aıtqanda, soǵys ardageri Nına Mosýnovanyń úıine Shymkent qalalyq densaýlyq saqtaý basqarmasy basshysynyń orynbasary Baqytjan Abdýllaev bastaǵan dárigerler men jastar bardy.
– Biz búgingi beıbit ómirimiz ben aspanymyzdyń ashyq bolǵany úshin Uly Otan soǵysy ardagerlerine, qan maıdanda erlik kórsetken ata-ájelerimizge qaryzdarmyz. Sondyqtan ardagerlerdi ardaqtaý búkil qoǵamǵa ortaq mindet dep oılaımyn. Búgin biz Shymkent qalasynyń turǵyny, soǵys ardageri Nına Egorovnanyń úıine kelip, ol kisiniń densaýlyǵyn tekserýden ótkizip, mamandarymyz dárigerlik keńes berdi. Ardagerlerimiz árdaıym aman bolsyn, – deıdi B.Abdýllaev.
Al, tyl ardageri Klavdııa Pankınanyń úıine Ál-Farabı aýdany ákimdiginiń qyzmetkerleri men jastar bardy. Olar ardager ájeıge úı sharýasy boıynsha kómektesip, jyly sózderin aıtyp, kóńil kóterdi.
– Tyl ardagerleri maıdangerlermen qatar surapyl soǵystyń barlyq aýyrtpalyǵyn kóterdi. Áıelder men balalar óte aýyr jaǵdaılarda eńbek etkenin, sóıtip, Jeńiske laıyqty úles qosqanyn tarıhtan jaqsy bilemiz. Búgin sol tyl ardagerleriniń biri – Klavdııa Stepanovnanyń úıine kelip, ol kisige syı-sııapat jasap, úı sharýasyna kómektesip, barlyq qurmetimizdi kórsetip jatyrmyz, – deıdi Ál-Farabı aýdanyny ákimdiginiń bólim basshysy Qadyrhan Arysbekov.
Odan bólek, Shymkent qalasynda #Batyrdyń urpaǵymyz atty chelendj ótkizildi. Chellendjde áleýmettik jelilerde jastardyń bastamasymen Uly Otan soǵysy kezindegi ata-babalarynyń erlikterin baıandaıtyn jazbalar uıymdastyryldy. Qala jastary ardagerlerdiń surapyl soǵystaǵy kózsiz erlikteri men janqııarlyqtaryn atap ótip, búgingi beıbitshilik pen turaqtylyqty syılaǵandyqtary úshin óz alǵystaryn bildirdi.
Sonymen qatar, qaladaǵy barlyq bilim berý uıymdary men kolledjderde «Er esimi – el esinde» atty oqýshylar men stýdentterge arnalǵan synyp saǵattary ótti.
Onyń maqsaty - óskeleń urpaqqa qazaqstandyqtardyń erlikterin qurmetteýge jáne patrıotızmge tárbıeleý. Bul kúni oqýshylar men stýdentter arasynda synyp saǵattary, tarıh saǵattary, taqyryptyq kórmeler, sýret jáne qolóner baıqaýlary, sondaı-aq, basqa da shyǵarmashylyq jáne tanymdyq is-sharalar ótkizildi.
Atalǵan is-sharalarmen qatar, Uly Otan soǵysynyń ardagerlerine qamqorlyq jasaý, olardyń densaýlyǵyn saqtaý maqsatynda tıisti qoldaý kórsetý úshin Uly Otan soǵysynyń ardagerlerine, tyl eńbekkerlerine kezekten tys medıınalyq tekserýler, úılerinde tekserýler júrgizý, jeńildikti dárilik zattarmen qamtamasyz etý, úıde nemese staıonarlarda tegin emdeý sharalary uıymdastyryldy.
Shymkent qalasynyń ákimdigimen Jeńistiń 80 jyldyǵyn atap ótý jónindegi josparǵa sáıkes tıisti jumystar qarqyndy júrgizilýde. Jeńis kúnine oraı 9 mamyr kúni «Dańq» memorıalynda arnaıy merekelik is-sharalar ótkizý josparlanýda.
