“Ne Molchi" qorynyŋ jetekşısı Dina Smaiylova (Täŋsärı) Chernogoriiadan bosqyn märtebesın sūraǧan. Būl turaly Qazaqstannyŋ bas prokuraturasy jariialady, dep habarlaidy “Adyrna” ūlttyq portaly.
«15 säuır künı Chernogoriia soty Smaiylovany qamaudan bosatty. Būl şeşım onyŋ Chernogoriiadan bosqyn märtebesın beru turaly ötınışınıŋ älı qaralmauyna bailanysty qabyldanǧan», — delıngen habarlamada.
Aita keteiık, Dina Smaiylova 2021 jyly Qazaqstannan ketıp qalǧan. Işkı ıster ministrlıgı 2023 jyldyŋ soŋynda Dina Smaiylovanyŋ üstınen alty qylmystyq ıs qozǧalǧanyn, olardyŋ arasynda "alaiaqtyq", "körıneu jalǧan aqparat taratu" men "jeke ömırge qol sūqpau qūqyǧyn būzu" baptary baryn mälımdegen. Prokuratura qor men Smaiylovanyŋ esepşottaryn būǧattaǧan.
Smaiylova üş jyldan asa uaqyttan berı otbasymen bırge şetelde tūryp jatyr. Qazaqstan oǧan halyqaralyq ızdeu jariialaǧan edı.
Osy aida ol Chernogoriiada ūstaldy. Keiın sol eldıŋ joǧarǧy soty Dina Smaiylovany Qazaqstanǧa ekstradisiialaudan bas tartqan.
Ūqsas jaŋalyqtar
