2025 jyldyŋ qaŋtar-nauryz ailary aralyǧynda Qazaqstan ortalyq Qytaidaǧy Hunan provinsiiasynda öndırılgen relstık kölıkke arnalǧan jabdyqtardy importtauda jetekşı elge ainaldy, dep habarlaidy "Adyrna" ūlttyq portaly. Būl turaly Hunan provinsiiasynyŋ halyq ükımetınıŋ resmi saitynda aityldy.
Chanşa kedenınıŋ derekterıne säikes, 2025 jyldyŋ bırınşı toqsanynyŋ qorytyndysy boiynşa Hunan provinsiiasynan relstık kölıkke arnalǧan jabdyqtardyŋ eksporty 45,3 paiyzǧa artyp, jalpy somasy 340 mln iuanǧa jetken. Būl jabdyqtardy eŋ köp importtaǧan elder qatarynda Qazaqstan, Germaniia jäne Gonkong arnaiy äkımşılık audany bar. Olardyŋ ülesı säikesınşe 15,7%, 14% jäne 11,6% qūrady.
Atap aitqanda, Qazaqstanǧa relstık kölıkke arnalǧan jabdyqtar eksportynyŋ kölemı 52,83 mln iuanǧa jetıp, ötken jyldyŋ osy kezeŋımen salystyrǧanda 505 ese ösken.
Būl saladaǧy ırı jetkızuşılerdıŋ bırı – Hunan provinsiiasyndaǧy Chjuchjou lokomotiv jasau kompaniiasy.
Ol Qytaidyŋ CRRC lokomotiv jasau korporasiiasynyŋ qūramyna kıredı jäne elektrovozdar, qalalyq relstık kölıkke arnalǧan vagondar men joǧary jyldamdyqtaǧy poiyzdar şyǧarady. Qazırgı taŋda kompaniianyŋ el ışınde jäne şetelde 34 enşıles käsıporny bar.
