Mädeniet jäne aqparat ministrı Aida Balaeva Ükımet otyrysynda IýNESKO aiasynda mädeni mūrany saqtau jäne ılgerıletu mäselesın köterdı. Ministrdıŋ aituynşa, elımızdegı tarihi-mädeni mūralar jetkılıktı bolǧanymen, halyqaralyq standarttarǧa sai saqtau men qorǧau jūmystary kemşın tüsıp jatyr.
Qazırgı taŋda Qazaqstanda 25 myŋnan astam tarihi-mädeni mūra nysany tırkelgen. Onyŋ ışınde respublikalyq maŋyzy bar 265, jergılıktı maŋyzy bar 12 myŋnan astam eskertkış bar. Al IýNESKO-nyŋ Bükılälemdık mūra tızımıne elımızdıŋ 10 tarihi-mädeni eskertkışı engızılgen.
Ministrlık materialdyq emes mädeni mūra elementterınıŋ ūlttyq tızımın 45-ten 79-ǧa deiın arttyrǧan. Bügıngı taŋda Qazaqstan atynan Adamzattyŋ materialdyq emes mädeni mūrasy tızımıne 14 element engen.
Alaida, Balaevanyŋ aituynşa, būl salada bırqatar mäsele şeşılmei keledı.
Mysaly, Talǧar, Qaramergen, Qoilyq, Aqtöbe, Qūlan, Qostöbe, Örnek qalaşyqtary men Aqyrtas saraiy keşenınıŋ jaǧdaiy syn kötermeidı.
"Bırınşıden, qazır IýNESKO konvensiialary men ūsynymdary boiynşa mındettemeler tolyq oryndalmai otyr. Almaty oblysyndaǧy Talǧar men Qaramergen, Jetısu oblysyndaǧy Qoilyq, Jambyl oblysyndaǧy Aqtöbe, Qūlan, Qostöbe jäne Örnek sekıldı qalaşyqtardyŋ, Aqyrtas saraiy keşenınıŋ infraqūrylymdaryn damytu – öte özektı", - deidı Balaeva.Sonymen qatar, Qoja Ahmet Iаsaui kesenesınıŋ buferlık aimaǧynda kelısılmegen qūrylys jūmystary toqtamai tūr. Būdan bölek, Qūlan men Qoilyq qalaşyqtary aumaǧynda da zaŋsyz qūrylys pen tazalyq mäselesı özektı küiınde qalyp otyr.
Ministr äkımdıkterdı tarihi eskertkışterge jauapkerşılıkpen qarauǧa şaqyrdy.
Onyŋ aituynşa, halyqaralyq maŋyzy bar nysandar oblys aumaqtarynda ornalasqandyqtan, olardy saqtau men damytu jergılıktı äkımdıkterdıŋ tıkelei müddesıne ainaluy tiıs.
Tektūrmas pen Joşy han kesenelerınıŋ de jai-küiı memleket tarapynan erekşe baqylaudy qajet etedı, – dedı Aida Balaeva.
