Shymkenttegi №65 mektep-gımnazııasynyń oqýshy Serik Nurym álemniń jetekshi 50 ýnıversıtetinen shaqyrtý alǵan. Bul týraly Otyrar.kz saıty jarııalady, dep habarlaıdy “Adyrna” ulttyq portaly.
Serik Nurym AQSh, Ulybrıtanııa, Germanııa, Ispanııa jáne Gonkong ýnıversıtetterinen shaqyrtý aldy.
Serik óziniń bolashaǵyn aqparattyq tehnologııalar salasynan kóredi. Ol derekterdi taldaý, jasandy ıntellekt jáne kıberqaýipsizdik baǵytyna qyzyǵady. Ol 50 ýnıversıtettiń ishinen Malaızııadaǵy Qytaı ýnıversıtetin tańdaǵan.
"Men álemdik deńgeıdegi IT mamany bolýdy jáne bolashaq tehnologııalardyń damýyna úles qosýdy armandaımyn", – dedi Serik.
Onyń bilimge qushtarlyǵy, aǵylshyn tilin joǵary deńgeıde meńgerýi jáne tehnologııaǵa degen qushtarlyǵy oǵan biregeı múmkindikter ashty.
Synyp jetekshisi Anar Qulymbetova oqýshynyń bolashaǵy zor ekenine senimdi.
