Bender-Abbas qalasynda halyqtyŋ densaulyǧyna töngen eleulı qauıpke bailanysty tötenşe jaǧdai jariialandy. Bilık 20 şaqyrym radiusta ziiandy zattardyŋ taraluynan qauıptenude.
Tünı boiy Şahid Radjai portynda konteinerlerdıŋ bırınde saqtalǧan himikattardyŋ örtenuınen şyqqan örttı söndıruge äreket jasaldy. Basylymnyŋ jazuynşa, konteinerde zymyrandarǧa arnalǧan qatty otynnyŋ negızgı qūramdas bölıgı sanalatyn natrii perhloratyn jarylǧan.
Oqiǧa AQŞ pen İran arasyndaǧy iadrolyq baǧdarlama boiynşa üşınşı kelıssözder kezeŋınıŋ ötıp jatqan künı boldy. Jergılıktı bilık būl oqiǧany diversiia nemese ädeiı jasalǧan şabuyl dep sanamaidy.
Alǧaşynda portta janarmai qoimasy jaryldy degen boljam aitylǧan edı. Alaida İrannyŋ Ūlttyq mūnai öŋdeu jäne taratu kompaniiasy būl aqparatty joqqa şyǧardy.
İran Işkı ıster ministrlıgınıŋ soŋǧy mälımetterı boiynşa, jarylys saldarynan 40 adam qaza tauyp, 1200-den astam adam jaraqat alǧan.
Zardap şekkender arasynda qazaqstandyqtar bar-joǧy äzırge habarlanǧan joq.
Qazırgı taŋda qaiǧyly oqiǧa boiynşa tergeu bastaldy. İran ükımetı Şahid Radjai portynda bolǧan jarylystan qaza tapqandarǧa bailanysty 28 säuır, düisenbı künın jalpyūlttyq aza tūtu künı dep jariialady.
