Aqmola oblysynda 9 myŋ bala tegın şyǧarmaşylyq üiırmelerge qatysady

2025 jyly Aqmola oblysynda balalardy şyǧarmaşylyq baǧyttaǧy tegın üiırmelerge tartuǧa arnalǧan memlekettık tapsyrysty jüzege asyru jalǧasady. Būl bastama öŋırdegı 9 myŋǧa juyq balanyŋ önerge erkın qadam basuyna jäne qabıletterın damytuyna mümkındık beredı. Baǧdarlama 2020 jylǧy 1 qyrküiekte Memleket basşysynyŋ būqaralyq balalar şyǧarmaşylyǧyn damytu jäne «balalar klubtarynyŋ» qyzmetın qaita jandandyru jönındegı tapsyrmasyna säikes jüzege asyryluda. Oblystyq mädeniet basqarmasynyŋ mälımetınşe, osy baǧyttaǧy jūmystarǧa biyl oblystyq biudjetten 1,3 mlrd teŋge bölıngen. Mamyr aiynyŋ özınde 362 mln teŋge igerılgen. Üiırmelerdı ūiymdastyrumen 69 qyzmet jetkızuşı ainalysady. Qazırgı taŋda öŋırde 277 üiırme jūmys ısteidı, oǧan 8,5 myŋnan astam bala qatysuda. Üiırmeler Aqmola oblysynyŋ barlyq audan, qalalarynda aşylǧan. Eŋ tanymal baǧyttardyŋ qatarynda beineleu önerı, vokal, horeografiia, muzykalyq aspaptarda oinau, teatr önerı men qoldanbaly şyǧarmaşylyq bar. Şyǧarmaşylyq toptarǧa  qatysatyn balalar oblystyq, respublikalyq jäne halyqaralyq baiqaularǧa belsendı qatysyp, jüldelı oryndarǧa ie boluda. 2025 jyly «Antre&Raduga», «Adagio» sekıldı şyǧarmaşylyq studiialar Şymkent qalasyndaǧy halyqaralyq BI STYLE baiqauyna jäne Arqalyqtaǧy respublikalyq «Balalar amanaty» konkursyna qatysty. Sonymen qatar, «Şapaǧat» jeke käsıpkerlıgı janyndaǧy bi ūjymdary Mega Snow, World of Talent, Gulnar Fest halyqaralyq baiqaularynda jüldelı oryndar ielense, «Marǧūlan» ūjymy Turkestan Music Festival jeŋısınen keiın Dubaida ötken halyqaralyq festivalge şaqyrtu aldy. «Sämeke» studiiasynyŋ balalary BAÄ-de ötken NURLY FEST DUBAI festivalınde bırınşı oryn men Gran-pridı jeŋıp aldy. Öŋırde jaŋa baǧyttardy damytuǧa da erekşe nazar audarylyp otyr. Mysaly, jeke käsıpker Daniiarova balalardy zamanaui suret salu tehnikasyna üiretse, Qosşy qalasyndaǧy «Öner» jas daryndar akademiiasynda toqyma, monşaqpen jūmys, kiım ülgıleu jäne tıgu baǧyttary qamtylǧan. Aqmolalyq şyǧarmaşylyq ūjymdar mümkındıgı şekteulı balalar men ardagerlerge arnalǧan qaiyrymdylyq konsertterge de belsendı qatysady. Būl bastama balalardyŋ ǧana emes, qoǧamnyŋ ruhani damuyna yqpal etıp otyr.