Şerzat Polat ısınde sottaluşylardyŋ qorǧauşylary prokuror Dana Särsenbaidy ısten şettetudı sūrap, sotqa ötınışhat tüsırdı, dep habarlaidy “Adyrna” ūlttyq portaly.
Olar jauap alu barysynda prokuror aiyptaluşyǧa qysym jasady dep esepteidı.
”Özderıŋız körıp otyrsyzdar, prokuror sūraqty būrmalap qoiyp otyr. Prokuror aiyptaluşyǧa qysym jasap otyr”, – dedı Darhan Äskentaidyŋ advokaty Erjanov.
Özge sottaluşylardyŋ qorǧauşylary da būl ötınışhatty qoldady. Olar prokurordyŋ ıstı beitarap qaraitynyna kümän keltırıp, oǧan senımsızdık bıldıretınderın aitty.
Memlekettık aiyptauşy Dana Särsenbai ötken sot otyrysynda aitqan «bız jäbırlenuşı jaqpen bır jaqpyz» degen sözın alǧa tartyp, ıstı obektivtı qarauǧa kedergı jasaitynyn mälımdedı. Advokattardyŋ sözınşe būl memlekettık aiyptauşy aitatyn söz emes. «Prokuror Särsenbai bızge mysqyldap otyr, ıştei söilep otyr. Mysqyldamasyn, bızdıŋ de jaǧdaiymyz oŋai emes», — dedı aiyptaluşy Darhan Äskentaidyŋ äpkesı. Sot otyrysynda prokuror Dana Särsenbai qorǧauşylardyŋ özıne qatysty aitqan sözge qatysty pıkır bıldırdı. «Menıŋ emosiialyq jaǧdaiym turaly aityp jatyr. Bıraq olar ony qaidan bıledı? Men onymen bırge tūrmaimyn ǧoi», – dedı prokuror. Sondai-aq, Särsenbai jäbırlenuşı tarap emes, aiyptau tarabynyŋ ökılı ekenın atap öttı. «Men jäbırlenuşı jaqpen emes, aiyptauşy jaqpen bırge ekenımdı aittym. Şatastyrmaŋyzdar», – dep atap öttı ol.Prokuror sottaluşylar advokattardyŋ pıkırımen kelıspedı. Ol ötınışhat negızsız dep atady. Jäbırlenuşı ökılderı sottan aiyptaluşy tarap qorǧauşylarynyŋ ötınışın qanaǧattandyrudan bas tartudy sūrady. Sot şeşım şyǧaru üşın keŋesu bölmesıne üzılıske şyqty.
