2025 jylǧy 12 mamyrda Astana qalasynda Halyqaralyq volonterler jylyna daiyndyq jäne ötkızu boiynşa Ūlttyq ūiymdastyru komitetınıŋ alǧaşqy otyrysy ötedı.
Esterıŋızge sala keteiık, Qazaqstan Respublikasy Prezidentı Qasym-Jomart Toqaevtyŋ bastamasymen BŪŪ Bas Assambleiasy 2026 jyldy Tūraqty damu maqsattaryndaǧy Halyqaralyq volonterler jyly dep jariialaǧan bolatyn.
Atalǧan ıs-şara barysynda volonterlık qozǧalysty damytu men azamattyq belsendılıktı arttyruǧa baǧyttalǧan negızgı baǧyttar, bastamalar men josparlanǧan ıs-şaralar talqylanatyn bolady.
Otyrysqa BŪŪ Erıktıler baǧdarlamasynyŋ atqaruşy üilestıruşısı Toily Qūrbanov, sondai-aq memlekettık organdardyŋ, qoǧamdyq ūiymdardyŋ jäne volonterlık bırlestıkterdıŋ ökılderı qatysady.
Bügınde Qazaqstanda volonterlık qyzmet qarqyndy damyp, türlı salalardy qamtyp otyr. Qazırgı taŋda elımızde 755 volonterlık ūiym tırkelgen, al erıktılıkpen ainalysatyn azamattardyŋ jalpy sany 275 myŋnan asady. Volonterlık qyzmettıŋ basty baǧyttaryna qarttar men jalǧyzbasty jandarǧa kömek körsetu, ömırlık qiyn jaǧdaidaǧy azamattardy qoldau, ekologiialyq volonterlık pen tötenşe jaǧdailardyŋ zardaptaryn joiuǧa qatysu jatady.
Qazaqstan memleket pen volonterlık qauymdastyq arasyndaǧy tabysty institusionaldyq ärıptestıktıŋ ülgısın körsetıp keledı. Elımızde volonterlık qyzmettıŋ qūqyqtyq negızderı qalyptasqan. «Volonterlık qyzmet turaly» zaŋ qoldanysta, sondai-aq volonterlıktı 2026 jylǧa deiın damytudyŋ jol kartasy jüzege asyryluda.
Volonterlık qyzmettı üilestıru maqsatynda «Qazvolunteer.kz» onlain platformasy jūmys ısteidı. Platforma volonterler men ūiymdardy bırıktırıp, jüzege asyrylyp jatqan jobalar men qatysu mümkındıkterı jönınde aqparat ūsynady. Būdan bölek, elımız boiynşa volonterlık bastamalardy qoldau men monitoring jürgızudı qamtamasyz etetın Ūlttyq front-ofis qyzmet atqarady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz