«Auyl – El besıgı»: Aqmola oblysynda auyldardy damytu qarqyndy jürıp jatyr

Aqmola oblysynda «Auyl – El besıgı» jobasy aiasynda auyldyq aumaqtardy damytu baǧytyndaǧy auqymdy jūmystar jalǧasyp jatyr. 2019 jyly Memlekettık öŋırlerdı damytu baǧdarlamasynyŋ bır bölıgı retınde bastalǧan būl bastama bügınde jaŋa formatta – 2027 jylǧa deiıngı auyldyq aumaqtardy damytu tūjyrymdamasy retınde jüzege asyryluda. Jobanyŋ negızgı maqsaty – bolaşaǧy bar auyldardy basym baǧyt retınde damytyp, infraqūrylymdy jaŋǧyrtu jäne auyldaǧy ömır süru deŋgeiın öŋırlık standarttarǧa sai etu. Alty jyl ışınde oblysta jalpy qūny 59,6 milliard teŋgenı qūraityn 387 joba jüzege asyryldy. Sonyŋ aiasynda 57 bılım beru, densaulyq saqtau, mädeniet jäne sport nysany salyndy jäne qaita jöndeldı. Sonymen qatar, 330 äleumettık nysan men auylışılık joldar jaŋartyldy. Atalǧan şaralar 142 auyldyq eldı mekendegı 277 myŋnan astam tūrǧynnyŋ tūrmys sapasyn jaqsartuǧa oŋ äser ettı. Sonymen qatar, 1,6 myŋnan astam jaŋa jūmys orny aşyldy. Oblystyq ekonomika jäne biudjettık josparlau basqarmasynyŋ basşysy Almagül Şügurmakovanyŋ aituynşa, «būl joba auyldy jüielı türde damytuǧa serpın berıp, halyq üşın jaŋa mümkındıkter aşuda jäne äleumettık, injenerlık infraqūrylymnyŋ tūraqty damuyna jol aşyp otyr». Biyl da jūmys jalǧasuda. Būryn jasalǧan kelısımşarttar aiasynda taǧy 37 jobany aiaqtau josparlanǧan. Qarjyny tiımdı igeru baǧytynda da josparly jūmys jürıp jatyr: auyldyq okrugterde josparlanǧan ıs-şaralardy ıske asyruǧa 18 milliard teŋgeden astam qarajat baǧyttaldy. Auyldyq aumaqtardy damytudaǧy maŋyzdy baǧyttardyŋ bırı – ekı memlekettık bastamany, iaǧni «Auyl – El besıgı» men «Auyl amanaty» baǧdarlamalaryn bırıktıru. Būl sinergiia auyl käsıpkerlıgın qoldaudy küşeitıp, naryq pen kölık-logistikalyq infraqūrylymǧa qoljetımdılıktı keŋeitedı, sondai-aq jergılıktı jerlerdegı özektı mäselelerdı jedel şeşuge mümkındık beredı dep kütılude. Auyl – memleket nazaryndaǧy basty basymdyqtardyŋ bırı. Aqmola oblysy auyl tūrǧyndarynyŋ ömır süru sapasyn arttyryp, auyldardy tartymdy ärı jaily etu jolynda nyq qadamdar jasap keledı.