Kökşetauda «Halyq qatysatyn biudjet» baǧdarlamasy aiasynda biyl 30 joba jüzege asyrylady

Kökşetau qalasynda «Halyq qatysatyn biudjet» baǧdarlamasy şeŋberınde biyl 30 joba ıske aspaq. Būl bastama tūrǧyndardyŋ öz aumaǧyn körkeituge tıkelei atsalysuyna mümkındık beredı. Jobalarǧa ötınım qabyldau qala äkımdıgınıŋ resmi saity arqyly jüzege asyryldy. Qala tūrǧyndary aulalar men qoǧamdyq keŋıstıkterdı abattandyru jönınde öz ūsynystaryn bıldırdı. 2025 jylǧy 20 qaŋtar men 1 nauryz aralyǧynda barlyǧy 119 ötınım kelıp tüstı. Är tūrǧyn tek bır jobaǧa ǧana dauys bere aldy. Joba qaraluy üşın kemınde 100 dauys jinauy tiıs bolatyn. Äkım keŋesşısı Mahabbat Samrattyŋ aituynşa, barlyq ūsynystar aldyn ala belgılengen talaptarǧa sai boluy qajet edı. “Saraptamalyq keŋeske qalalyq mäslihat deputattary men qoǧam belsendılerı kırdı. Olar kelıp tüsken 119 ötınımdı qarap şyqty. Nätijesınde 92-sı dauys beruge jıberıldı. Al qalǧan 27 ötınım belgılengen kriteriilerge sai bolmaǧan nemese bos jer telımı bolmaǧandyqtan qabyldanbady”, – dedı ol. Dauys beru nätijesınde 92 jobanyŋ 71-ı qajettı 100 dauystan joǧary jinady. Alaida barlyǧy bırden jüzege aspaidy. “Biylǧy jyly «Halyq qatysatyn biudjet» baǧdarlamasyna 550 million teŋge bölındı. Būl qalanyŋ jalpy biudjettık şyǧyndarynyŋ kemınde 10 paiyzy. Qarjylyq mümkındıkterge bailanysty 71 jobanyŋ ışınen 30-y ǧana ırıktelıp, biyl jüzege asady. Qalǧan jobalar 2026 jyly kezeŋ-kezeŋımen oryndalady”, dep atap öttı Mahabbat Samrat. Aita keteiık, ötken jyly osy baǧdarlama aiasynda Kökşetau qalasynda 19 joba jüzege asqan. Sonyŋ ışınde 12 balalar oiyn alaŋy men 7 sporttyq alaŋ salynǧan. Baǧdarlamanyŋ basty maqsaty tūrǧyndardyŋ öz ömır süru ortasyn jaqsartuǧa belsendı qatysuyna mümkındık beru jäne jergılıktı bilık pen halyq arasyndaǧy bailanysty küşeitu.