Almatynyŋ eks-äkımı Bauyrjan Baibektıŋ klany Eldos Qospaev basqarǧan ūiymdasqan qylmystyq toptyŋ (ŪQT) qylmystyq shemalaryna belsendı qatysqan, dep habarlaidy "Adyrna" ūlttyq portaly QazTAG-qa sılteme jasap.
«Qospaev E. jäne onyŋ ūiymdasqan tobynyŋ müşelerı 2019 jylǧy 8 säuır men 2020 jylǧy 23 jeltoqsan aralyǧynda «AV-Construction» JŞS-nıŋ mülkın iemdenıp, özderıne senıp tapsyrylǧan jyljymaityn mülık nysandaryn özındık qūnynan tömen baǧamen üşınşı tūlǧalarǧa satyp jıberu arqyly käsıporyn men onyŋ zaŋdy ielerıne ziian keltırgen. Atap aitqanda, Abijanov D., Tanaşev T. jäne Babaev R. ūiymdasqan top jetekşısı Kospaev E. jäne basqa da tūlǧalarmen kelısıp, paidalanuǧa berılgen jäne salynyp jatqan bırqatar nysandardy Almaty qalasynyŋ sol kezdegı äkımı Baibek B.-nıŋ äkesı Baibek Q.-ǧa özındık qūnynan tömen baǧamen satu turaly şeşım qabyldaǧan. Būl käsıporyn men onyŋ zaŋdy ielerıne tıkelei ziian keltırgen», – delıngen Kospaevtyŋ ŪQT-syna qatysty sot ükımınde.
Osydan keiın Abijanov D., Tanaşev T. jäne Babaev R. Eldos Kospaev jäne eks-äkım Bauyrjan Baibektıŋ äkesınıŋ müddesın közdeitın özge bır tūlǧamen kelıse otyryp, ūrlanuǧa taŋdalǧan üş nysannyŋ baǧasyn anyqtaǧan. Būl nysandar Bauyrjan Baibektıŋ tuysy Baibek Q.-nyŋ atyna satylǧan. Baǧasy – 1 şarşy metr üşın 230 myŋnan 425 myŋ teŋgege deiın, iaǧni qūrylys qūnynan edäuır tömen bolǧan.
2019 jyldyŋ säuırınde ūiymdasqan qylmystyq toptyŋ jetekşısı Eldos Qospaev Almatyda ornalasqan «AV-Construction» kompaniiasynyŋ keŋsesınde otyryp, öz tobynyŋ müşesı Babaevqa päter satu turaly tapsyrma beredı. Būl päter — Almaty qalasy, Kapparov köşesı, №116/9 üide ornalasqan. Jalpy audany 114,7 şarşy metr.
Päter naryqtaǧy qūnynan äldeqaida tömen — 43,6 million teŋgege satyluy tiıs bolǧan. Būl baǧa qūrylys şyǧyndaryn da jappaidy. Päterdı satyp aluşy — sol kezdegı Almaty qalasynyŋ äkımı Bauyrjan Baibektıŋ äkesı.
Sol künı Babaev Qospaevtyŋ tapsyrmasymen päterdı tömen baǧamen Qydyrǧali Baibekke satqan kelısımşartqa qol qoiady. Mūndai mämıle käsıporynǧa asa ırı kölemde şyǧyn keltırgen jäne zaŋdy ielerınıŋ müddesıne qaişy bolǧan.
«Osylaişa, Eldos Qospaev pen onyŋ ūiymdasqan qylmystyq tobynyŋ müşelerı, Tanaşev T., Abijanov D., Babaev R. jäne basqa tūlǧalar, käsıporynnyŋ mülkın asa ırı mölşerde ysyrap etken. Olar ony üşınşı tūlǧalarǧa qūny äldeqaida tömen baǧaǧa satqan. Qospaev pen onyŋ tobynyŋ qylmystyq äreketterı käsıporynǧa jäne onyŋ zaŋdy menşık ielerıne 65 946 191 teŋge kölemınde zalal keltırdı», — delıngen sot ükımınde.
Eske sala keteiık, 2022 jyly qyrküiekte Baibekke qatysty qylmystyq ıs qozǧalǧany turaly habarlar şyqty. Al 2023 jyldyŋ qaŋtar aiynda ony Germaniianyŋ Liubek qalasynda körgen. 2023 jyldyŋ qazanynda Qazaqstan Prezidentı Qasym-Jomart Toqaev Baibektıŋ būrynǧy jūbaiy Janar Baibektı Astana sotynan jūmystan şyǧarǧany turaly habarlandy.
