Aqmola oblysynda bılım, sport jäne medisina salasynda 40-tan astam nysan salynyp jatyr

2025 jyldyŋ soŋyna deiın Aqmola oblysynda 40-tan astam äleumettık nysannyŋ qūrylysy josparlanǧan. Būl öŋır halqynyŋ ömır süru sapasyn arttyruǧa, sonyŋ ışınde oquşylar men balabaqşa tärbielenuşılerıne arnalǧan oryndar sanyn köbeituge baǧyttalǧan maŋyzdy qadam. Bılım beru salasynda jaŋa mektepter men balabaqşalar paidalanuǧa berılgennen keiın şamamen 1500 oquşy orny jäne 840 balabaqşa orny aşylady. Būl demografiialyq ösım qarqyndy jürıp jatqan audandardaǧy oryn tapşylyǧy mäselesın şeşuge mümkındık beredı. Densaulyq saqtau baǧytynda da ırı jobalar qolǧa alynǧan. Qosşy qalasynda köpbeiındı aimaqtyq auruhana salynyp jatyr. Mūnda onkologiia, nevrologiia jäne şūǧyl medisinalyq kömek bölımderı jūmys ısteitın bolady. Sonymen qatar medisinalyq qyzmetkerlerge arnalǧan ekı tūrǧyn üi men pansionat salu josparlanǧan. Sport salasynda da ılgerıleu baiqalady. Kökşetau qalasynda köpfunksionaldy sport keşenınıŋ qūrylysy jürıp jatyr. Keşende 650 oryndyq körermen zaly, sondai-aq boks, küres, auyr atletika jäne krossfitke arnalǧan arnaiy zaldar bolady. Syrtqy aumaqta jeŋıl atletikalyq jolaqtar, jattyǧu jäne oiyn alaŋdary ornalastyrylady. Zerenda auylynda taǧy bır sport nysany boi köterude. Mūnda 1500-den astam jasöspırım sportpen şūǧyldana alady. Qūrylys jūmystary qarqyndy jürıp jatyr. Uchaske bastyǧy Sälımalmas Quatūlynyŋ aituynşa, qazırgı uaqytta jabdyqtar ornatyluda, al nysan mausym aiynyŋ soŋynda paidalanuǧa berıledı dep josparlanǧan. Atalǧan jobalar – Aqmola oblysynyŋ äleumettık infraqūrylymyn damytuǧa baǧyttalǧan keşendı baǧdarlamalardyŋ nätijesı. Būl jūmystar öŋır tūrǧyndarynyŋ sapaly bılım aluy, sportpen şūǧyldanuy jäne zamanaui medisinalyq kömekke qol jetkızuıne mümkındık beredı.