Jeŋıs saiabaǧynda ersı bi bilegen qyzdarǧa aiyppūl salyndy

Pavlodarda daŋq eskertkışınıŋ janynda bi bilegen ekı mektep oquşysyna aiyppūl salyndy, dep habarlaidy "Adyrna" ūlttyq portaly.  Jelıde 9 mamyr qarsaŋynda jariialanǧan "saiabaqty qorlaimyz" degen jazuy bar video qazaqstandyqtardyŋ aşuyn tuǧyzǧan edı. Kadrlardan tör qyzdyŋ bi bilegenı baiqalǧan. Sot materialdaryna säikes, 2025 jylǧy 2 mamyrda şamamen saǧat 16:00-de 2008 jäne 2009 jyly tuǧan kämeletke tolmaǧan J. men İ. esımdı qyzdar Daŋq eskertkışı men mäŋgılık alau maŋynda ädepsız bi bilegen. Būl äreketterı Qazaqstan Respublikasynyŋ Äkımşılık qūqyq būzuşylyq turaly kodeksınıŋ 434-baby 4-bölıgı (ūsaq būzaqylyq) boiynşa qūqyq būzuşylyq bolyp tanylady. Sotta qyzdar kınäsın tolyq moiyndap, horeograftyŋ şaqyruymen Jeŋıs künıne arnalǧan videorolik tüsıruge kelgenderın tüsındırdı. Sot baspasöz qyzmetınıŋ mälımetınşe, J. esımdı qyz būl ideiany TikTok-taǧy trendten keiın oilap tapqanyn, tüsırılımnen keiın Instagram-daǧy jeke paraqşaǧa "saiabaqty qorlaimyz" degen jazumen jariialaǧanyn aitqan. İ. esımdı ekınşı qyz da 9 mamyr merekesıne bailanysty video tüsıru nietı bolǧanyn, alaida taŋdalǧan kontent pen onyŋ berıluı orynsyz bolǧanyn moiyndaǧan. Sot 16 jasqa tolǧan ekı qyzǧa 10 ailyq eseptık körsetkış (39 320 teŋge) kölemınde aiyppūl saldy. Būl şeşım älı zaŋdy küşıne engen joq. Al qalǧan ekı qyz äkımşılık jauapkerşılık jasyna tolmaǧandyqtan, olardyŋ ata-analaryna qatysty qūqyq būzuşylyq turaly ıs qozǧaldy. Eske salaiyq, 9 mamyr qarsaŋynda qazaqstandyq mektep oquşy qyzdar Jeŋıs saiabaǧynda "tverk" biın bilep, beinejazbaǧa "Jeŋıs saiabaǧyn qorlaimyz" degen jazu qoiǧan. Būl äreket äleumettık jelı qoldanuşylarynyŋ narazylyǧyn tuǧyzyp, köpşılık mūny Ekınşı düniejüzılık soǧysta qaza tapqandardyŋ ruhyna tıl tigızu dep baǧalap, jauapqa tartudy talap ettı.