Aqmola oblysynyŋ Zerendı audanyna qarasty Bırlestık auylynda aldaǧy uaqytta joǧary jyldamdyqty mobildı internet qoljetımdı bolady. Mūnda jaŋa antenna-machtalyq stansiia ornatu josparlanyp otyr. Būl — bırneşe jyl boiy sifrlyq bailanystyŋ qiyndyǧyn körıp kelgen jergılıktı tūrǧyndar üşın köpten kütken jaŋalyq.
Bırlestık auyly Kökşetau qalasynan nebärı 50 şaqyrym jerde ornalasqan. Mūnda 450-den astam adam tūrady. Qazırgı taŋda auylda tek 3G deŋgeiındegı bailanys bar, alaida būl jyldamdyq kündelıktı qajettılıkter üşın jetkılıksız.
«Bügıngı taŋda adamdarmen söilesu nemese memlekettık qyzmetterdı alu üşın internet kerek. Endı būl mäsele şeşıletınıne quanyştymyz. Būl jaŋalyq auyl tūrǧyndarynyŋ ömırın aitarlyqtai jeŋıldetedı», — deidı auyl tūrǧyny Nūrtai Mūqyşev.Bailanys sapasy jaqsarǧan soŋ, balalar onlain platformalarda sapaly bılım ala alady, al ata-analar olardyŋ oquyn baqylauǧa mümkındık alady. Aqmola oblysy Sifrlandyru basqarmasyna qarasty Smart Aqmola bölımınıŋ basşysy Oljas Qami habarlaǧandai, jaŋa stansiia qūrylysy auyldyŋ 3G-den 4G LTE formatyna köşuın qamtamasyz etedı.
«Joba «Qoljetımdı internet» ūlttyq jobasy aiasynda jüzege asyrylyp jatyr», — dep tüsındırdı ol. — «Bız būl bastamany memlekettık-jekemenşık ärıptestık negızınde ıske asyryp kelemız. Jalpy, jaŋǧyrtu josparyna şamamen 80 myŋ tūrǧyny bar 102 auyldyq eldı meken engızılgen. Bügınde oblys boiynşa 430 auyl internetpen qamtylǧan, al ūialy bailanys 98% tūrǧynǧa qoljetımdı».Bırlestıktegı stansiia qūrylysy auyldyq jerlerdı sifrlandyruǧa baǧyttalǧan jüielı jūmystyŋ bır bölıgı bolmaq. Jaqyn ailarda auyl tūrǧyndary tūraqty ärı joǧary jyldamdyqty internetke qol jetkızetın bolady. Būl bılım, käsıpkerlık pen kommunikasiia salalarynda jaŋa mümkındıkter aşatyny sözsız.
