Aqmola oblysynda qaŋǧybas itterdıŋ köbeiuı tūrǧyndar arasynda özektı ärı alaŋdatarlyq mäselege ainaldy. Soŋǧy jyldary balalar alaŋdaryna, mektepterdıŋ maŋyna jäne tūrǧyn üi massivterıne qaŋǧybas itterdıŋ şoǧyrlanuy turaly şaǧymdar jiılei tüstı. Alaida būl tüitkıl tek qauıpsızdık qana emes, sonymen qatar gumanizm qaǧidatyn saqtai otyryp şeşıluı tiıs mındet.
Aqmola oblystyq veterinariia basqarmasynyŋ basşysy Talǧat Jünısovtyŋ aituynşa, būl mäsele tek zaŋ aiasynda, qataŋ emes, tek gumandy ädıstermen şeşılude.
«Bız būl problemany jüielı ärı aşyq türde şeşuge tyrysamyz. Barlyq jūmys zaŋ şeŋberınde, qatıgezdıkke jol berılmeidı», — deidı Talǧat Jünısov.2024 jyly qaŋǧybas januarlar sanyn retteuge baǧyttalǧan tört baǧdarlamaǧa oblystyq biudjetten 96,5 million teŋge bölındı. Būl qarjy itterdı aulau, sterilizasiialau, vaksinasiialau, chipteu jäne arnaiy jabdyqtalǧan oryndarda ūstau jūmystaryna jūmsaluda.
«Bügınge deiın 6 myŋnan astam it aulandy. Onyŋ 2,5 myŋnan astamy sterilizasiiadan jäne vaksinasiiadan öttı. Būl – jai ǧana statistika emes, būl naqty qauıptıŋ azaiuy men aurulardyŋ taraluynyŋ aldyn alu», — dedı basqarma basşysy.Sonymen qatar, merdıger ūiymdardyŋ jūmysy qataŋ baqylauda. Ärbır aulau äreketı foto jäne beinefiksasiia arqyly qūjattalyp, ai saiynǧy esep berıledı. Sanitarlyq talaptardyŋ oryndaluyna da basa nazar audarylady.
«Eger qandai da bır normalar būzylsa, būl – bız üşın serıktestıkke qaita baǧa beruge sebep. Mūndai jaǧdailarǧa bız dereu äreket etemız», — dep naqtylady Jünısov.Basqarma azamattardan kelıp tüsken ötınışterge de der kezınde äreket etedı. Belgılı bır aumaqta itterdıŋ köbeigenı turaly aqparat kelıp tüsken sätte mamandar dereu oqiǧa ornyna şyǧady. Qaŋǧybas itter mäselesın boldyrmau maqsatynda basqarma tüsındıru jūmystaryn da tūraqty jürgızıp keledı. Halyq arasynda üi januarlaryna jauapkerşılıkpen qarau turaly kezdesuler men aqparattyq tüsındıruler ūiymdastyrylady.
«Ökınışke qarai, qaŋǧybas itterdıŋ basym bölıgı — būrynǧy üi januarlary. İelerı olardy köşege tastap ketedı. Sondyqtan bız ärbır azamatqa ündeu joldaimyz: januarlardy baqylausyz qaldyrmaŋyzdar, mındettı türde sterilizasiia jasaŋyzdar», — dedı veterinariia basqarmasynyŋ basşysy.Basqarma būl jūmystyŋ mausymdyq emes, tūraqty türde, keşendı negızde jürgızıletının aitady. Būl küreste tek memlekettık organdardyŋ küşı jetkılıksız. Azamattardyŋ belsendı qatysuy asa maŋyzdy.
«Bız halyqtyŋ qauıpsızdıgın qamtamasyz etuge jäne januarlarǧa qatysty gumanizm qaǧidatyn ūstanuǧa daiynbyz. Bıraq būl jūmys qoǧammen serıktestıkte ǧana tiımdı bolmaq. Tek bırge äreket etkende ǧana aulalarymyz ben köşelerımızdı adamdar men januarlar üşın qauıpsız ete alamyz», — dep tüiındedı Talǧat Jünısov.
