Aqmola oblysynda auyldyq medisinany damytu qalai jüzege asuda?

Aqmola oblysynda auyldyq densaulyq saqtau salasy qarqyndy damyp keledı. Soŋǧy jyldardaǧy jetıstıkter men jüzege asyp jatqan jobalar öŋırdıŋ auyl tūrǧyndary üşın medisinalyq kömektıŋ qoljetımdılıgı men sapasynyŋ artyp kele jatqanyn däleldeidı. Bügınde oblystaǧy medisinalyq ūiymdar jelısı 561 mekemeden tūrady, onyŋ 522-sı auyldyq eldı mekenderde ornalasqan. Būl mekemeler jalpy sany 788 myŋnan astam adamǧa qyzmet körsetedı, sonyŋ ışınde 329 myŋǧa juyq adam – auyl tūrǧyndary. Aǧymdaǧy jyldyŋ soŋyna deiın oblystyŋ auyldarynda 38 jaŋa medisinalyq nysan – därıgerlık ambulatoriialar, feldşerlık-akuşerlık punktter (FAP) jäne medisinalyq punktter aşylady. Būl maqsatqa «Auyldyq densaulyq saqtaudy jaŋǧyrtu» ūlttyq jobasy aiasynda biudjetten 10 milliard teŋgege juyq qarajat bölıngen. Jaŋa nysandar zamanaui talaptarǧa sai jabdyqtalyp, qajettı medisinalyq kadrlarmen, därıgerlermen jäne sanitarlyq kölıkpen qamtamasyz etıledı. Būl 43 myŋnan astam auyl tūrǧynyna sapaly ärı uaqtyly medisinalyq kömek körsetuge mümkındık beredı. Oblysta jyljymaly medisinalyq kömek te belsendı damuda. Qazırgı taŋda 11 mobildı medisinalyq keşen barlyq audandy qamtyp, 1492 diagnostikalyq zertteu jürgızgen. Sonyŋ arqasynda jürek-qan tamyrlary aurulary, glaukoma, qant diabetı syndy köptegen auru türlerı erte kezeŋde anyqtalyp, tiıstı emdeu şaralary qolǧa alyndy. Būl – auyl tūrǧyndarynyŋ ömır sapasyn jaqsartuǧa baǧyttalǧan naqty qadam. Taǧy bır maŋyzdy baǧyt – telemedisina qyzmetın engızu. Būl şalǧai auyl tūrǧyndary üşın erekşe maŋyzdy. Qazırdıŋ özınde 50 myŋnan astam qaşyqtan medisinalyq keŋes berılgen. Būl nauqastarǧa alys audan ortalyqtaryna barmai-aq, qajettı medisinalyq kömek aluǧa mümkındık beredı. Jyl ötken saiyn medisinalyq qyzmetterdıŋ qoljetımdılıgı artyp, körsetıletın kömektıŋ sapasy jaqsaryp keledı. Aqmola oblysy öz tūrǧyndarynyŋ densaulyǧyn jaqsartuǧa baǧyttalǧan jūmystardy tabandy türde jalǧastyruda. Būl – auyl halqy üşın jailylyqty arttyryp, medisina salasynyŋ şynaiy qoljetımdı boluyna jol aşatyn maŋyzdy baǧyt.