Aqmola oblysynyŋ Būlandy audanynda «Dūrys tamaqtanudy damytu jäne keŋeituge qosqan üles» atty pilottyq joba resmi türde bastau aldy. Būl bastama BŪŪ-nyŋ Azyq-tülık jäne auyl şaruaşylyǧy ūiymynyŋ (FAO) tehnikalyq qoldauymen, Qazaqstan Respublikasy Densaulyq saqtau, Auyl şaruaşylyǧy jäne Oqu-aǧartu ministrlıkterımen serıktestıkte jüzege asyryluda.
Pilottyq joba Makinsk qalasyndaǧy ekı mekteptı — gimnaziia men Baluan Şolaq atyndaǧy mektep-liseidı qamtidy. Jaŋartylǧan mäzır 393 oquşyǧa arnalǧan. Jaŋa mekteptık tamaqtanu jüiesı salauatty ömır saltynyŋ qaǧidattaryna negızdelgen: as mäzırı aquyz, mai jäne kömırsulardyŋ tepe-teŋdıgın saqtai otyryp äzırlengen, balalardyŋ talǧamyn eskeredı jäne negızınen jergılıktı önımderge süienedı.
Būlandy audanynyŋ Tūraqty damu qorynyŋ direktory Daniiar Nūrpeiısovtıŋ aituynşa, jobanyŋ negızgı tetıkterınıŋ bırı — jergılıktı auyl şaruaşylyǧy öndıruşılerın jetkızu tızbegıne tartu. Onyŋ mälımetınşe, azyq-tülıktıŋ şamamen 60 paiyzy — kökönıs, et jäne süt önımderı — öŋırlık fermerlerden satyp alynady. Būl mektep ashanalaryn jaŋa ärı tabiǧi önımdermen qamtamasyz etıp qana qoimai, jergılıktı ekonomikanyŋ damuyna da serpın beredı.
Sonymen qatar, joba aiasynda taǧam porsiialaryn sauatty josparlau jäne mausymdyq mäzır engızıledı. Būl taǧam qaldyqtaryn 25%-ǧa deiın azaituǧa mümkındık beredı. Osylaişa, bastama balalardyŋ dūrys tamaqtanu ädetın qalyptastyrumen qatar, mektepter men jergılıktı öndıruşıler arasynda tūraqty ärıptestık modelın jasauǧa yqpal etedı.
Būlandy audanyndaǧy jobanyŋ tabysty jüzege asyryluy būl täjıribenı elımızdıŋ basqa öŋırlerıne keŋeituge negız bolmaq. Būl – ösıp kele jatqan ūrpaqtyŋ densaulyǧyn jaqsartuǧa baǧyttalǧan tiımdı ärı qoljetımdı mektep tamaqtanuyn damytudyŋ ozyq ülgısı.
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz