Kökşetaulyq oquşy biologiia pänı boiynşa halyqaralyq olimpiadada kümıs jülde iegerı atandy 

Kökşetau qalasynyŋ №8 orta mekteptıŋ 10-synyp oquşysy Egor Mengulov Sochi qalasynda (Resei) 2025 jylǧy 10–17 mamyr aralyǧynda ötken biologiia pänı boiynşa aşyq halyqaralyq olimpiadada (Open International Biology Olympiad, OIBO) kümıs jüldeger atandy. Sonymen qatar, ol Qazaqstan qūramasynyŋ komandalyq jobalyq turdaǧy jeŋısıne de öz ülesın qosty. Olimpiadaǧa 14 elden kelgen jas biologtar qatysyp, üş kezeŋ boiynşa baq synady: teoriialyq, jeke praktikalyq jäne komandalyq jobalyq tur. Biyl alǧaş ret engızılgen jobalyq turda da Qazaqstan komandasy joǧary nätije körsettı. Jalpy qorytyndy boiynşa elımızdıŋ jasöspırımderı 2 altyn, 4 kümıs medal jeŋıp alyp, komandalyq esepte jeŋıske jettı. Egor Mengulovtyŋ jetıstıgı – tek özı oqityn mektep pen tuǧan qalasy Kökşetau üşın ǧana emes, bükıl Aqmola oblysy üşın ülken maqtanyş. Onyŋ būl tabysy – elımızdegı mektep oquşylarynyŋ joǧary deŋgeide daiyndalyp jatqanyn jäne öŋırlık mektepterdıŋ äleuetın däleldeidı. Qazaqstan qūramasy olimpiada aldynda «Sirius» bılım beru ortalyǧynda ūiymdastyrylǧan on kündık oqu-jattyǧu jiynyna qatysyp, täjıribelı ūstazdardyŋ jetekşılıgımen daiyndyq jürgızdı. Qūramanyŋ jetekşısı – Respublikalyq «Daryn» ǧylymi-praktikalyq ortalyǧy direktorynyŋ orynbasary Aigül Akimgereevna Qarqulova. Egordy jäne Qazaqstan qūramasyn osy zor jetıstıgımen qūttyqtaimyz! Aldaǧy uaqytta da biık belesterdı baǧyndyra berulerıŋe tılektespız!