Reseilık «İnteko Grupp» energetikalyq kompaniiasy Auǧanstanda mūnai öndıru jäne mūnai öŋdeu zauytyn (MÖZ) calu boiynşa «Taliban» qozǧalysynyŋ ökılderımen kelısımge keldı, dep habarlaidy "Adyrna" ūlttyq portaly RİA Novosti-ǧa sılteme jasap.
Kelısımşart Qazan qalasynda ötken 16-şy Halyqaralyq ekonomikalyq forum barysynda «Taliban» uaqytşa ükımetınıŋ önerkäsıp jäne sauda ministrı mındetın atqaruşy Nūruddin Azizi men «İnteko Grupp» ökılderı arasynda jasaldy.
«Kompaniia mamandary Auǧanstan aumaǧynda geologiialyq barlau jūmystaryn jürgızıp qoidy. Endı būrǧylau jūmystaryna kırısudı josparlap otyr. Sonymen qatar, taŋdalǧan jerde mūnai öŋdeu zauytyn salu qatar jüredı. Būl oryn qajettı injenerlık infraqūrylymmen jabdyqtalǧan», – dedı Auǧanstandaǧy reseilık ıskerlık ökıldıktıŋ basşysy Rustam Habibullin.
Mūnai öndıru jönındegı kelısımnen bölek, forumda «Taliban» ökılderı men reseilık käsıpkerler kölık, aviasiia jäne sauda salalaryndaǧy yntymaqtastyqqa qatysty taǧy bes özara tüsınıstık turaly memorandumǧa qol qoidy. Alaida būl qūjattardyŋ egjei-tegjeiı jariia etılgen joq.
Sondai-aq, Nūruddin Azizi reseilık kompaniialardy Auǧanstandaǧy ken öndırısı men elektr stansiialaryn saluǧa investisiia saluǧa şaqyrdy.
Forumǧa qatysqan delegasiiany basqarǧan «Taliban» ükımetı ekonomika ministrınıŋ orynbasary Abdul Ǧani Baradar Tatarstan prezidentı Rustam Minnihanovpen jäne Mordoviia basşysy Artiom Zdunovpen kezdeskenın mälımdedı. Onyŋ aituynşa, kelıssözderde auyl şaruaşylyǧy jäne önerkäsıp önımderın eksporttau, keden mäselelerı jäne ekıjaqty saudany oŋtailandyru şaralary talqylanǧan.
«Būl forum bızdıŋ ekonomikalyq qarym-qatynasymyzda jaŋa kezeŋnıŋ bastalǧanyn körsettı», – dedı Baradar delegasiia saparynyŋ qorytyndysy boiynşa.
"Taliban" - Reseide jäne basqa da bırneşe elde ūzaq jyl tyiym salynyp kelgen saiasi qozǧalys. Soŋǧy jyldary tälıpterdı terroristık ūiymdar tızımınen şyǧaru ürdısı baiqalady. Olardyŋ arasynda Resei de bar.
