Memleket dın mäselelerıne, dın memleket mäselelerıne aralaspau kerek

Ol özınıŋ Facebook paraqşasynda zaiyrly memleket qalpymyzdy saqtap qaluymyz kerektıgın aitty. Mūhtar Taijan jazbasynda ideologiiasy qalyptaspaǧan memlekettıŋ ışı alai-dülei ekenıne nalydy. Sonymen qatar, ol Mūhamedjan Tazabektıŋ tärtıp saqşylaryn jinap alyp, uaǧyz oqyp jürgenıne qarsylyq tanytty. "Zaiyrly, demokratiialyq memleket denenımız ne? Ükımet dınge aralaspau kerek, ras. Bıraq, dın de memleket mäselelerıne aralaspauy kerek qoi! Bızdıŋ memleketımızde ideologiialyq jūmys bolmaǧandyqtan, ideologiia salasynda da bardak bop tūr. Mysaly, Mūhamedjan Tazabek, "Asyl arnanyŋ" jetekşısı nege memlekettık organdarǧa baryp, polisiiaǧa, äskerlerge, mektepterge, VUZdarǧa uaǧyz aityp jür? Būndai mümkındıktı oǧan kım berıp otyr? Nege ol polisiiany beibıt mitingke şyqqan halyqqa qarsy aidap saluda? Oǧan būndai qūqyqty kım berdı? Būndai äreket naǧyz arandatuşylyq dep bılem. Polisiia beibıt şeruge şyqqan halyqqa küş jūmsamau kerek. Beibıt miting-şerudı ötkızu - halyqtyŋ Konstitusiialyq qūqyǧy. Negızı dınşıler saiasatqa aralasatyn bolsa, tübı Qazaqstandy halifatqa ainaldyruy mümkın. Saud Arabiia, Auǧanstan, Siriia sekıldı elderge ainalamyz. Būǧan daiynsyŋdar ma? Tübı sözsız öte qandy soǧyz bolady. Bızge şariǧat, älde, demokratiia kerek pe? Taŋdau jasauymyz qajet, sebebı, būl - bır-bırıne 100% qarama-qaişy qūbylystar. Bügıngı künderdı repressiia deimız, al sol kezde qandy terror bastalady. Adamdardyŋ bastary men qoldaryn şabu, äielderdı taspen öltıru, t.b. Öitkenı, halifat şariǧat zaŋymen ömır süredı. Elımız öte qaraŋǧy elge ainalady. Sondyqtan bızdıŋ zaiyrly memlekettı saqtap qalǧanymyz jön. Memleket dın mäselelerıne, dın memleket mäselelerıne aralaspau kerek. Dın - adamnyŋ jeke şaruasy, qūqy. Zaiyrly memleketımız degen osy. Alaşorda qairatkerlerı zaiyrly memleketke zar boldy. Bız de osy ūstanymda qaluymyz kerek", - dep dabyl qaqty Mūhtar Taijan.