17 mamyr künı Egipette Şarm-el-Şeih qalasynyŋ halyqaralyq äuejaiynda jarnama taqtasy qūlap qaza tapqan Aqmaral Mūqanovanyŋ jaqyndary onyŋ denesın Qazaqstanǧa jetkızu üşın kömek sūrap otyr, dep habarlaidy "Adyrna" ūlttyq portaly.
Marqūm Aqmaral Mūqanova Aqtöbe oblysy polisiia departamentınde 20 jyldan astam uaqyt qyzmet etken. Zeinetke podpolkovnik şenınde şyqqan. Qyzmet barysynda kadr bölımınde jūmys ıstep, köptegen jas qyzmetkerdıŋ qūqyq qorǧau organdaryna qabyldanuyna atsalysqan. Ärıptesterı ony käsıbi, ädıl ärı meiırımdı adam retınde sipattaidy.
Aqmaraldyŋ jaqyndary onyŋ denesın Qazaqstanǧa jetkızu üşın memlekettık organdardan jäne tiıstı mekemelerden kömek sūraidy. Qazırgı uaqytta marqūmnyŋ jalǧyz ūly Berık Egipette qalyp otyr. Jas jıgıt anasynyŋ qazasynan eseŋgırep qalǧan, onyŋ jaǧdaiyna alaŋdauşylyq bar. Egipet tarapy mäiıttı 4-5 künnen keiın ǧana beretının habarlaǧan. Qaiǧyly oqiǧaǧa bailanysty tergeu amaldaryn jergılıktı polisiia jürgızıp jatyr.
QR Syrtqy ıster ministrlıgı marqūmnyŋ tuystarymen bailanys ornatqanyn, konsul tarapynan tiıstı kömek körsetılıp jatqanyn mälımdedı.
Qaza tapqan azamattyŋ tuǧan-tuystary men jaqyndaryna qaiǧyra köŋıl aitamyz.
