Endı sportşy balalar polisiia baqylauynsyz jarysqa jıberılmeidı

2720
Adyrna.kz Telegram
https://adyrna.kz/content/uploads/2024/07/img_7561-960x500.jpeg?token=e63a4f7977fc54a5229fe3ffe2d32ca0

Endı sportşy balalar özge öŋırlerdegı jarystarǧa patruldık polisiiamen bırge baratyn bolady. Premer-ministr Oljas Bektenov Ükımet otyrysynda tiıstı tapsyrma berdı, dep habarlaidy “Adyrna”.

"Işkı ıster ministrlıgı qoǧamdyq tärtıptı saqtaudy qamtamasyz etu üşın ärbır balalar ortalyǧy men lagerıne, köpşılık ıs-şaralar ötetın oryndarǧa uchaskelık polisiia inspektorlaryn bekıtuge tiıs. Balalardyŋ jol-kölık jaraqatynyŋ profilaktikasy mäselesıne erekşe nazar audaru kerek. Sportşy oquşylar mıngen kölıkterdıŋ jol apatyna tüsıp, qaiǧyly jaǧdailarǧa

alyp kelgenı barşaǧa aian. Sondyqtan tiıstı kelısuler, rūqsattar bolmasa jäne patruldık polisiia bastap jürmese, sportşy balalardyŋ öz eldı mekenderınen tys jerlerge şyǧuyna jol bermeudı tapsyramyn", - dedı Ükımet basşysy.

Işkı ıster, tötenşe jaǧdailar, oqu-aǧartu, densaulyq saqtau ministrlıkterı, öŋır äkımdıkterıne bırqatar mındetter jükteldı.

"Barlyq ūiymdastyru mäselelerı 1 mausymǧa deiın şeşımın tabuy kerek", - dedı Oljas Bektenov.

Pıkırler