Bügın, 21 mamyr künı Talǧarda kısı qolynan qaza tapqan 16 jastaǧy Şerzat Polattyŋ sotynda negızgı aiyptaluşy Abzal Şynasyldan jauap alu bastaldy, dep habarlaidy «Adyrna» tılşısı.
Ol sot otyrysynda özın foto-videoǧa tüsıruge qarsylyq bıldırmedı.
Aiyptaluşy töbeleske qatysqandardyŋ tergeu aldynda özara kelısımge kelgenderın jetkızdı.
«Qylmysty moinyma alǧan sebebım bar. Talǧarda polisiia basqarmasynda bolǧanda tergeuşıler "bır adam ıstedı, bır adam moinyna alsyn. Äitpese, bärıŋe qiyn bolady. Ūiymdasqan qylmystyq top retınde ketesıŋder" dedı. Sonymen bızdı Qonaev qalasyna kezek-kezegımen alyp ketetın boldy. Gazelmen alyp ketıp bara jatqanda Ravil Sakiev, Şyŋǧys Belǧojaev, Azamat Toqtaubaev törteuımız söilestık. Sol kezde Ravil Sakiev "būny bıreu ıstedı, moiyndasyn. Äitpese bärımızge qiyn bolady" dep aitty. Sol kezde mende pyşaq bolǧannan keiın, özımdı qylmys jasamadym dep, jasyrǧandai bolmaiyn dedım. Iştei men alsam, ala salaiyn degen oi boldy. Qapşaǧaidaǧy tergeu izoliatoryna aparmai tūryp, basymyz qosylyp, söilesıp ülgerıp qaldyq. Mūnda taǧy Nūrbol Toqtaubaev maǧan "sende pyşaq boldy ǧoi" degende, men oǧan "Şerzatty, men moinyma alamyn" dep bırden aittym. Al Nūrqanattyŋ jambasyna tyǧylǧan pyşaqty Şyŋǧys tyqty dep kelısken dedık. Polisiia departamentınde de osy kelıskendegıdei aityp berdık. Tergeuşıge de osylai aittym»,– dedı Şynasyl.
Al Şerzatqa naqty kımnıŋ pyşaq salǧanyn bılmeitının jetkızdı. Sondai-aq ol Nūrqanat Ǧaiypbaevqa pyşaq ūrǧanyn moiyndady.
«Barsam ekpetınen jatty. Qūimyşaǧy aşyq jatyr eken. Sodan pyşaqty ekı-üş santimetr etıp ūstap, jambasynan ūryp jıberdım. Bärı kettık-kettık dedı, sosyn ketıp qaldyq»,– dedı ol.
