Aqmola oblysynda käsıpkerlıktı qoldau jäne biznestı jürgızuge qolaily jaǧdai jasau boiynşa jüielı jūmys jürgızılude. Negızgı maqsattar – qarjyǧa qoljetımdılıktı jeŋıldetu, biurokratiiany azaitu jäne öndırıstı qoldau.
2025 jyly şaǧyn jäne orta biznestı tūraqty qoldau üşın oblystyq biudjetten «Damu» qory arqyly nesie paiyzdaryn subsidiialau maqsatynda 2 mlrd teŋge bölındı. Onyŋ 300 mln teŋgesı qosymşa qarajat retınde qarastyryldy. Būl käsıpkerlerge nesienı oŋai alu mümkındıgın berıp, qarjylandyru baǧdarlamalaryna tūraqty qatysuyna jaǧdai jasady.
Osynyŋ nätijesınde bizneste öndırılgen önımnıŋ jalpy kölemı 2 trln teŋgege juyqtap, 185 mlrd teŋge salyq tölenıp, 7 myŋnan astam jaŋa jūmys orny aşyldy.
Arnaiy maŋyzdy baǧdarlama – «Keŋ Dala – 2» şeŋberındegı jeŋıldetılgen nesie. Osy joba aiasynda öŋırdıŋ agrarlyq sektoryna 100 mlrd teŋgeden astam qarjy berıldı. Qarjylandyru 2024 jylǧy jeltoqsanda bastalyp, egıs nauqanyna uaqtyly daiyndaluǧa jäne uaqytyly eguge mümkındık tudyrdy.
«Jeŋıldetılgen nesie – nätije üşın eŋbek etetınderge mümkındık. Memleket qoldau körsetedı, al biznes ony tiımdı paidalanuǧa tiıs», – dedı oblys äkımı Marat Ahmetjanov käsıpkerlermen kezdesude.
