2025 jyldyŋ 18–21 mamyr aralyǧynda Astanada Mädeniet jäne öner qyzmetkerlerınıŋ forumy öttı. Oǧan elımızdıŋ barlyq öŋırınen, sonymen qatar şeteldık mädeni jäne şyǧarmaşylyq qauymdastyqtardan kelgen 700-den astam adam qatysty. Auqymdy ıs-şara 21 mamyr – Mädeniet jäne öner qyzmetkerlerınıŋ käsıbi merekesıne orai ūiymdastyryldy.
Saltanatty jiyn barysynda forum qatysuşylaryn Qazaqstan Respublikasy Premer-ministrınıŋ orynbasary Ermek Köşerbaev qūttyqtap, Memleket basşysynyŋ atynan bırqatar memlekettık nagradalardy tabystady.
«Qūrmet» ordenımen Nūrǧisa Tılendiev atyndaǧy «Otyrar sazy» akademiialyq folklorlyq-etnografiialyq orkestrınıŋ ärtısı Larisa Nasretdinova marapattaldy. «Eren eŋbegı üşın» medalımen «Mezzo» vokaldyq tobynyŋ solisterı — Asan Nūrbergenov, Jänıbek Seidahmetov, Jasūlan Sydyqov, Medet Orymbaev, sondai-aq Respublikalyq akademiialyq nemıs drama teatrynyŋ ärtısı Timur Bondank marapattaldy.
«Şapaǧat» medalı Natalia Sas atyndaǧy Memlekettık akademiialyq orys balalar men jasöspırımder teatrynyŋ pedagogika bölımınıŋ meŋgeruşısı Säule Bainietovaǧa tabystaldy.
«Qazaqstannyŋ eŋbek sıŋırgen qairatkerı» qūrmettı ataǧy Küläş Baiseiıtova atyndaǧy daryndy balalarǧa arnalǧan respublikalyq muzyka mektep-internatynyŋ pedagogy Küläş Moldaǧalievaǧa jäne Säbit Mūqanov atyndaǧy memlekettık qazaq muzykalyq-drama teatrynyŋ direktory Bırjan Jalǧasbaevqa berıldı.
Būǧan deiın Memleket basşysy el mädenietın damytuǧa sıŋırgen eŋbegı üşın körnektı mädeniet jäne öner qairatkerlerıne memlekettık nagradalar tabystap, olardyŋ ūlt ruhaniiatyna qosqan zor ülesın atap ötken bolatyn. Aqordada ötken saltanatty jiyn barysynda Qasym-Jomart Toqaev memleket mädeniet pen öner salasynyŋ damuyna ärdaiym airyqşa köŋıl böletının söz ettı. Öitkenı būl salalardyŋ deŋgeiı el ruhaniiatynyŋ damuymen tyǧyz bailanysty.
Aita keteiık, Astanada ötken Forum aiasynda 20-dan astam taqyryptyq sessiia men paneldık pıkırtalas ūiymdastyryldy. Olarǧa salalyq ministrlıkterdıŋ ökılderı, sarapşylar, mädeniet qairatkerlerı jäne Fransiia, Qytai, İtaliia, Türkiia, Oŋtüstık Koreia, Özbekstan, Resei syndy elderden kelgen şeteldık spikerler qatysty.
Bılım beru baǧyty boiynşa 30-dan astam ıs-şara ūiymdastyryldy. Onda qatysuşylar muzei menedjmentı men teatr önerınen bastap, sifrlyq tehnologiialar men mädeni marketingke deiıngı bırqatar maŋyzdy mäselelerdı talqylady.
Forum aiasynda Qazaqstan muzeilerınıŋ kongresı de öttı. Onda ekspozisiialyq qyzmettıŋ jaŋa formalaryn engızı, sifrlandyru jäne körermenmen özara bailanys ornatu joldary söz boldy.
Forum memlekettık mädeni saiasattyŋ basym baǧyttaryn aiqyndaityn, kreativtı industriiany damytu, materialdyq emes mūrany saqtau jäne halyqaralyq mädeni yntymaqtastyqty nyǧaitu mäselelerı talqylanǧan negızgı alaŋǧa ainaldy.
Auqymdy ıs-şaranyŋ qorytyndysy saltanatty gala-konsertpen tüiındeldı.
