Stepnogorsk qalasynda 1000 oryndyq jaŋa jalpy bılım beretın mektep pen köpfunksionaldy sport keşenınıŋ qūrylysy bastalmaq. Būl maŋyzdy äleumettık jobalar Aqmola oblysynyŋ äkımı Marat Ahmetjanovtyŋ bastamasymen jüzege asyryluda. Qūrylysqa qatysty memorandumǧa Stepnogorsk qalasynyŋ äkımdıgı men «AK Altynalmas» aksionerlık qoǧamy qol qoidy.
Qūjatqa qol qoiu räsımınde öŋır basşysy jobalardyŋ maŋyzdylyǧyna toqtalyp, äleumettık ärıptesterge rizaşylyǧyn bıldırdı.
"Būl öŋır üşın maŋyzdy ärı özektı jobalar. Sport saraiy tūrǧyndar üşın dene şynyqtyrumen ainalysu ǧana emes, öŋırlık jäne respublikalyq deŋgeidegı jarystar ötetın zamanaui alaŋǧa ainalady. Memleket basşysy atap ötkendei, sapaly bılım men sportqa qoljetımdılık – ziiatker ärı denı sau ūrpaq qalyptastyrudyŋ negızgı ırgetasy", – dedı Marat Ahmetjanov.Öz kezegınde «AK Altynalmas» AQ basqarma töraǧasy Balamir Mahanov kompaniia atynan qūrylys jūmystaryn sapaly jäne uaqytyly oryndauǧa tolyq daiyn ekenderın jetkızdı.
"Būl – öŋırdegı eŋ ırı jäne auqymdy jobalarymyzdyŋ bırı. Biznes retınde äleumettık jauapkerşılıktı sezıne otyryp, halyqtyŋ igılıgıne baǧyttalǧan bastamalarǧa ärqaşan üles qosuǧa daiynbyz. Būl nysandardy saluda kompaniianyŋ täjıribesı, resurstary jäne eŋ üzdık jobalyq şeşımderı paidalanylatyn bolady, – dedı ol.Jalpy ekı jobanyŋ qūny 22 milliard teŋgenı qūraidy. Kompaniia ökılderınıŋ aituynşa, sport saraiynyŋ jobalyq-smetalyq qūjattamasy äzır jäne qūrylysqa arnalǧan jer telımı de daiyn. Sol sebeptı qūrylys jūmystary aldaǧy künderı bastalyp, sport keşenı keler jyly paidalanuǧa berılmek. Jaŋa nysanda ämbebap zal, bassein, trenajer jäne arnaiy sport zaldary, sondai-aq jattyǧu men jarys ötkızuge qajettı infraqūrylym qarastyrylǧan. Al 2027 jylǧy 1 qyrküiekte Stepnogorsk qalasynyŋ oquşylary 1000 oryndyq jaŋa mektep tabaldyryǧyn attaidy. Zaman talabyna sai salynatyn bılım ordasynda zamanaui oqu kabinetterı, IT-ortalyq, sport zaly, multimediialyq aimaqtar men jaily bılım beru keŋıstıgı qarastyrylǧan. Būl jobalar – öŋırdıŋ äleumettık infraqūrylymyn nyǧaityp, jastardyŋ sapaly bılım men sportqa qoljetımdılıgın qamtamasyz etetın maŋyzdy qadam. Foto: el.kz
