Qaraǧandyda qart adam soqqyǧa jyǧylyp, ortaşa auyr jaraqat aldy. Jäbırlenuşınıŋ tuystary oqiǧanyŋ jan-jaqty tergelıp, qoǧamǧa aşyq jariialanuyn talap etıp otyr. Būl turaly «Vecherniaia Karaganda» basylymy jazdy, dep habarlaidy “Adyrna”.
Jäbırlenuşınıŋ qyzynyŋ aituynşa, jıgıt özınıŋ azamattyq nekedegı jūbaiymen jäne ekı jas jıgıtpen bırge äkesınıŋ firmasy ornalasqan aumaqqa kelıp, janjal şyǧarǧan. Keiınnen ol zeinetkerge şabuyl jasaǧan.
«Ol äkemnıŋ ekı qabyrǧasyn syndyryp, basynan ūrǧan. Jäbırlenuşıge mi şaiqalu diagnozy qoiyldy. Al qalǧandary zeinetkerdı soqqyǧa jyǧyp jatqanyn qarap tūryp, bolǧan jaitty telefondaryna tüsırgen», – dedı qaraǧandylyq tūrǧyn.
Qyzynyŋ sözınşe, oqiǧadan keiın zeinetker oǧan qoŋyrau şalǧannan keiın dereu jetken.
«Aita ketu kerek, şabuyl jasaǧandar mas bolǧan. Äkem kömek sūrap qoŋyrau şalǧan soŋ oqiǧa ornyna jettım, sol jerde olar maǧan da tap berıp, qūlaǧymdaǧy syrǧany jūlyp aldy», – dedı qyz.
Qaraǧandy oblystyq polisiia departamentınıŋ mälımetınşe, oqiǧaǧa qatysy bar küdıktınıŋ bärı ūstalyp, polisiia bölımıne jetkızılgen.
«Atalǧan faktı boiynşa qylmystyq ıs qozǧaldy. Jan-jaqty ärı mūqiiat tergeu jürgızılıp jatyr. Qylmystyq ıstıŋ tergeluı Qaraǧandy oblystyq polisiia departamentı basşylyǧynyŋ erekşe baqylauynda», – dep mälımdedı polisiia.
