Aqtau maŋynda apatqa ūşyraǧan Azerbaijan Airlines ūşaǧynyŋ apatyn tekserudıŋ ekınşı kezeŋı atqarylyp jatyr. Būl turalv Kölık ministrı Marat Qarabaev aitty, dep habarlaidy “Adyrna”.
“Qazaqstan tergeu amaldaryn jürgızetın el retınde bekıtılgen. Kez kelgen tergeu bırneşe kezeŋge bölınedı. Bırınşı kezeŋ - tiıstı materialdardy jinau, iaǧni osy kezeŋ aiaqtaldy. Endı ekınşı kezeŋ jalǧasyp jatyr. Būl tūrǧyda jinaqtalǧan materialdardy zertteu ıs-şaralary atqarylyp otyr. Onyŋ aiasynda bızdıŋ mamandar jūmyldyrylǧan şeteldık mamandarmen, sonyŋ ışınde İKAO ökılderımen bırge Baku men Groznyida, Rostovta boldy”, - dedı M.Qarabaev Senatta joldardyŋ mäselesın talqylauǧa arnalǧan Ükımet saǧatynan keiın tılşıler sūraǧyna jauap bere otyryp.
Eske sala keteiık, byltyr 25 jeltoqsanda Aqtau maŋynda, Bakuden Groznyiǧa baǧyt alǧan AZAL jolauşylar ūşaǧy apatqa ūşyraǧan bolatyn. Bortta 67 adam, onyŋ ışınde bes ekipaj müşesı bolǧan. Apat saldarynan 38 jolauşy qaza tauyp, 29 adam aman qaldy.
Biyl qaŋtar aiynda Äzerbaijannyŋ bas prokurory Kamran Äliev Aqtau maŋynda Äzerbaijan äue kompaniiasy ūşaǧynyŋ apatqa ūşyrauyna qatysty Qazaqstan men Reseidıŋ tiıstı qūrylymdary — prokuratura jäne qūqyq qorǧau organdarymen bırlesıp tergeu jürgızıp jatqanyn mälımdedı.
