Almaty oblysynda mektep tülekterı jol erejesın öreskel būzdy, dep habarlaidy “Adyrna” ūlttyq portaly.
Almaty oblysynda mektep bıtıruşıler mıngen bırneşe kölık “Ülken Almaty ainalma jolynda” (BAKAD) jol qozǧalysy erejelerın öreskel būzyp, qozǧalysty toqtatuǧa deiın barǧan.
Äleumettık jelılerde taraǧan videolarda kölıkter kolonnamen jürıp, basqa kölıkterge kedergı keltırıp, qozǧalys jolaǧyn jauyp tastaǧany körınedı. Sonymen qatar kei jasöspırımder kölıktıŋ terezelerınen syrtqa şyǧyp alǧan. Keibır kölıkterde memlekettık nömırler de bolmaǧan.
Almaty oblystyq polisiia departamentı oqiǧaǧa qatysty tüsınık berıp, barlyq ereje būzǧandar anyqtalyp, jauapkerşılıkke tartylǧanyn mälımdedı.
“Jol qozǧalysy erejelerınıŋ 17 būzuşylyǧy boiynşa – qauıpsızdık beldıgın taqpaudan bastap, apatty jaǧdai tuǧyzuǧa deiıngı materialdar sotqa joldandy. Barlyq kölık arnaiy tūraqqa qoiyldy”, – delıngen polisiianyŋ resmi habarlamasynda.
Ūqsas jaŋalyqtar
