Makinsk qalasynda su qūbyrlaryn jaŋǧyrtu jobasy qarqyndy jürıp jatyr

Makinsk qalasynda auqymdy su qūbyry jelılerın jaŋǧyrtu jobasynyŋ bırınşı kezeŋı belsendı türde jüzege asyryluda. Qazırgı taŋda injenerlık jelılerdıŋ 76,7 şaqyrymyn qamtityn jūmys kölemınıŋ 65 paiyzy oryndalǧan. Sonyŋ nätijesınde 45 şaqyrym jaŋa qūbyr tartyldy. Joba aiasynda tozyǧy jetken su qūbyrlary tolyǧymen jaŋartylyp, zamanaui ärı senımdı jüielermen auystyrylady. Jospar boiynşa jalpy ūzyndyǧy 72,7 şaqyrym jaŋa su jelısı salynady. Jobanyŋ jalpy qūny — 3 382,9 million teŋge. 2024 jyldyŋ ışınde 2 017,5 million teŋge qarjy igerılgen. Jyl soŋyna deiın taǧy 692,5 million teŋge qosymşa qarajat bölınuı josparlanǧan. Qūrylys jūmystaryn «UniversalStroiServis» JŞS jürgızude. Kelısımşart boiynşa jūmys qūny 3 279,9 million teŋgenı qūraidy. Oblystyq energetika jäne tūrǧyn üi-kommunaldyq şaruaşylyq basqarmasynyŋ habarlauynşa, barlyq jūmystar belgılengen keste boiynşa jürıp jatyr. Qūrylys jūmystaryn biylǧy qaraşa aiynda tolyq aiaqtau közdelıp otyr. Joba ıske qosylǧan soŋ Makinsk qalasyndaǧy 18 myŋnan astam tūrǧyn tūraqty jäne ortalyqtandyrylǧan auyz sumen qamtylady. Atalǧan joba halyqty taza auyz sumen qamtamasyz etumen qatar, qalanyŋ sanitarlyq jaǧdaiyn jaqsartuǧa jäne tūrǧyndardyŋ ömır süru sapasyn arttyruǧa eleulı üles qosady.