Taldyqorǧan qalasynda qonaqüilerdıŋ bırınen 12 jerden pyşaq jaraqatyn alǧan äkımşı äieldıŋ mäiıtı tabyldy, dep habarlaidy "Adyrna" ūlttyq portaly.
Marqūmnyŋ denesı qonaqüidıŋ bırınşı qabatyndaǧy örttı söndıru kezınde anyqtalǧan. Boljamdardyŋ bırıne säikes, qylmysker ızın jasyru maqsatynda ört qoiǧan boluy mümkın.
«24 mamyr künı saǧat 04:14-te Paradise Villa qonaqüiınıŋ qabyldau bölımınde ört şyqty. Jalyn 20 şarşy metr aumaqty şarpydy. Saǧat 04:29-da ört tolyq söndırılıp, 35 adam evakuasiialandy», – dep habarlady Jetısu oblysy TJD.
Polisiia būl derekke qatysty kısı öltıru baby boiynşa qylmystyq ıs qozǧalǧanyn mälımdedı. Küdıktı ūstalǧan.
«Jedel-ızdestıru şaralary barysynda 23 jastaǧy küdıktı ızın suytpai ūstalyp, qamauǧa alyndy. Qazır tergeu amaldary jürgızılıp jatyr. Tergeu müddesıne bailanysty özge aqparat jariia etılmeidı», – dep mälımdedı Jetısu oblystyq PD.
