2024-2025 oqu jylynda Aqmola oblysynda bılım beru salasynda infraqūrylymdyq serpılıs baiqaldy. «Jaily mektep» ūlttyq jobasy aiasynda öŋırde 9 jaŋa mektep ıske qosyldy. Būl qadam tyǧyzdalǧan mektepter mäselesın şeşıp, oquşylar üşın qolaily jaǧdai jasauǧa yqpal ettı. Būl turaly oblystyq bılım basqarmasynyŋ basşysy Ainagül Baltaşeva brifingte mälım ettı, dep habarlaidy Öŋırlık kommunikasiialar qyzmetınen.
Spikerdıŋ aituynşa Selinograd audanynda biyl oryn tapşylyǧy 8 esege, al Kökşetau qalasynda bır jarym esege qysqardy. Sonymen qatar, Būlandy auylyndaǧy apatty mekteptıŋ mäselesı şeşıldı.
Jaŋa oqu jylynda taǧy 5 mektep aşylady dep josparlanuda. Būl jobalar öŋırdegı sapaly bılımge qoljetımdılıktı arttyra tüsedı.
«Äleumettık jaǧynan osal toptarǧa erekşe köŋıl bölınude. Biyl oblystaǧy 65 myŋnan astam oquşy tegın ystyq tamaqpen qamtyldy. Olardyŋ ışınde bastauyş synyp oquşylary men halyqtyŋ äleumettık osal toptaryna jatatyn 5-11 synyp oquşylary bar. Jazǧy demalysqa arnalǧan joldamalarǧa 121,5 million teŋge qarajat bölındı», dedı bılım basqarasynyŋ basşysy.Jaz mezgılınde balalardyŋ 93 paiyzy demalyspen, al 100 paiyzy türlı jūmystarmen qamtylmaq. Oblysta 16 lager jūmys ısteidı, onyŋ ışınde 9 – memlekettık jäne 7 – jekemenşık. Sonymen qatar 208 kündızgı lager men 350 beiındık alaŋ aşylyp, 70 myŋnan astam oquşyny qamtu josparlanǧan. Tarih, ölketanu, äskeri-patriottyq baǧyttaǧy şatyrly jäne kiız üi lagerlerı de ūiymdastyrylady.
«Käsıptık bılım beru salasynda da aitarlyqtai ılgerıleu bar. Oblystaǧy 29 kolledjde 19 myŋnan astam student bılım alsa, onyŋ 6 myŋnan astamy biyl oquyn aiaqtaidy. 543 student üzdık diplomǧa ümıtker. Jyl boiy «One School – One Skill» jäne «Avtobus professii» jobalary jüzege asty. Singapur elınde pedagogterge arnalǧan taǧylymdamalar ötkızıldı.», dep tolyqtyrdy spiker.Aita ketu kerek, biylǧy körsetkışter men jetıstıkter – bılım beru jüiesınıŋ sapaly jūmysy men damuynyŋ aiqyn belgısı. Oblys äkımdıgı men Bılım basqarmasy aldaǧy uaqytta da būl ürdıstı jalǧastyryp, balalar men ūstazdarǧa qolaily jaǧdai jasauǧa küş salatyndaryn jetkızdı.
