Byltyr şılde aiynda qaza tapqan 22 jastaǧy Aqnär Gülstannyŋ anasy Gülstan Qamit polisiia tarapynan qysym körıp jatqanyn mälımdedı, dep habarlaidy «Adyrna» tılşısı.
Aituynşa, oǧan Astananyŋ Almaty audandyq polisiia bölımınıŋ qyzmetkerlerı habarlasyp, üiıne poliseilerdı jıberetının aityp, qandai da bır beinejazbany berudı talap etken.
Marqūmnyŋ anasy barlyq videony bergenın aityp, özın mazalamaudy sūraǧan. Bıraq polisiia qyzmetkerlerı qoŋyrau şaluyn toqtatpaǧan.
«Maǧan özın Astana qalasy Almaty audandyq polisiia basqarmasynyŋ tergeu bölımınıŋ qyzmetkerımın dep tanystyrǧan azamat maǧan qoŋyrau şalyp, mende jelıde tarap jürgen ekı videonyŋ tüpnūsqasy bar ekenın, olardy menen aluǧa Almaty qalalyq polisiia departamentıne otyrǧan ärıptesterı tapsyrma berıp jatqanyn aitty. Men ol kısıge oqiǧa bolǧan künı qaiǧydan qan jūtyp, kökıregım qars aiyrylyp jürıp, tuysqandarymmen bırge oqiǧa bolǧan jerdegı videolardy jäne ıske qatysty barlyq däiekterdı, dälelderdı, faktılerdı tügelımen advokatym arqyly ötınışhatpen sol kezdegı Bostandyq audandyq polisiiasyndaǧy tergeuşıge tapsyrǧanymdy aittym. Tergeu amaldary Bostandyq audandyq polisiiasynda jürmei, üş aiǧa sozylyp, būl ıs Almaty qalalyq polisiia departamentıne kelgennen keiın de taǧy da sol däiek-dälelderdı, videolardy, audiolardy, barlyq ıske qatysty materialdardy Almaty qalalyq polisiia departamentındegı tergeuşınıŋ qolyna ekı advokat arqyly ötınışhatpen tapsyrǧanymdy jetkızdım. Qalai tüsındırsem de, maǧan qaita-qaita basqarmadan qoŋyraular kele berdı»,—deidı Gülstan Qamit.
Ol qazırgı taŋda özınen ne talap etıp otyrǧanyn tüsınbeitının jetkızdı. Marqūmnyŋ anasy qyzynyŋ ısımen ainalysyp jatqan qūqyq qorǧau organdarynyŋ qyzmetkerlerınen ıstı ädıl, obektivtı jürgızudı sūrap, zaŋsyz qysym jasamaudy ötındı.
Eske salaiyq, būǧan deiın Almaty qalalyq polisiia departamentı būl oqiǧa boiynşa qylmystyq ıs qozǧalyp, jan-jaqty tergeu amaldary jürgızılıp jatqanyn mälımdegen edı.
<View this post on Instagram
