Almaty oblysyndaǧy zauytta oryn alǧan jarylys saldarynan zardap şekkenderdıŋ barlyǧy qaza tapty, dep habarlaidy “Adyrna” ūlttyq portaly «AziiaAgroFud» AQ basqarmasynyŋ baspasöz qyzmetıne sılteme jasap.
«23 mamyrda Almaty oblysyndaǧy «AziiaAgroFud» AQ qūrama jem zauyty aumaǧynda bolǧan qaiǧyly oqiǧa saldarynan ärıptesterımız qaza tapty. Būl qaiǧyly jaǧdai bükıl kompaniiamyz üşın ülken soqqy boldy. Bız jai ǧana qyzmetkerlerımızdı emes, ūjymdy bırıktırıp, adaldyǧy men adamgerşılık qasietterımen ız qaldyrǧan jandardy joǧalttyq», – delıngen habarlamada.
«AziiaAgroFud» AQ qaza tapqandardyŋ tuystary men jaqyndaryna kömek körsetıletının aitty.
«Saqtandyru tölemderınen bölek, kompaniia tarapynan qosymşa materialdyq kömek körsetıledı. Qaza tapqan ärıptesterımızdıŋ jerleu räsımderıne bailanysty barlyq şyǧyndardy öz moinymyzǧa alamyz, sondai-aq olardyŋ qaryzdyq mındettemelerın tolyqtai öteimız. Är otbasyǧa psihologiialyq jäne qūqyqtyq kömek ūsynylady», – dep körsetılgen habarlamada.
Kompaniianyŋ aituynşa qazırgı taŋda tergeu jürgızılıp jatyr.
«Qazırgı taŋda oqiǧanyŋ sebep-saldaryn anyqtau maqsatynda tergeu jürıp jatyr. Bız memlekettık organdarmen jäne jedel qyzmettermen belsendı yntymaqtastyq ornatyp, tehnologiialyq jäne ūiymdastyruşylyq prosesterdıŋ barlyǧyna ışkı tekseru bastadyq. Basty maqsatymyz – tek şyndyqty anyqtau ǧana emes, mūndai tragediialardyŋ qaitalanuyna jol bermeu üşın barlyq qajettı şaralardy qabyldau», – delıngen habarlamada.
Eske sala keteiık, Almaty oblysynda ornalasqan «AziiaAgroFud» qūrama jem zauyty aumaǧynda ūn tozaŋynyŋ jarylysy bolyp, oqiǧa saldarynan 4 adam zardap şekken edı.
