Memleket basşysy Qasym-Jomart Toqaevtyŋ auyl halqynyŋ ömır süru sapasyn arttyru jäne eldı mekenderdı gazdandyru jönındegı tapsyrmalaryn ıske asyru aiasynda Şūbar auylynda tabiǧi gazben jabdyqtau jüiesınıŋ ıske qosylu räsımı öttı.
Şaraǧa Aqmola oblysynyŋ äkımı Marat Ahmetjanov pen «QazaqGaz» ūlttyq kompaniiasy» AQ basqarma töraǧasy Sanjar Jarkeşov qatysty.
Ūzyndyǧy 74,2 şaqyrymdy qūraityn gaz qūbyry jobasyn Selinograd audanynyŋ qūrylys bölımı jüzege asyrdy. Nätijesınde, Şūbar auylyndaǧy 400-den astam tūrǧyn üi tabiǧi gazǧa qosyldy. Auyl tūrǧyndarynyŋ pıkırınşe, jaŋa deŋgeidegı jaily jaǧdai aimaqtyŋ äleumettık-ekonomikalyq damuyna serpın bermek.
«Memleket basşysy alǧa qoiǧan basty mındet – halyqtyŋ tūrmys sapasyn jaqsartu. Bügın bız auyl tūrǧyndaryn tabiǧi gazben qamtamasyz etıp otyrmyz. Būl – jüielı jūmysymyzdyŋ naqty nätijesı. Biylǧy jyly oblys kölemınde 12 gazdandyru jobasy jüzege asyryluda, olardyŋ igılıgın 125 myŋǧa juyq adam köredı», – dedı Aqmola oblysynyŋ äkımı Marat Ahmetjanov.Tabiǧi gazǧa alǧaşqylardyŋ bırı bolyp Nūrbolat pen Aigerım Bisenbaevtar janūiasynyŋ şaŋyraǧy qosyldy. Olar öŋır basşylyǧyna jäne ūlttyq kompaniiaǧa köpten kütken jobany jüzege asyrǧany üşın alǧysyn bıldırdı:
«Bızdıŋ otbasymyz üşın būl – tarihi oqiǧa. Endı otyn jinap, kömır tasudyŋ qajetı joq. Üiımız jyly ärı jaily, al būl – kez kelgen otbasy üşın eŋ maŋyzdysy»,- dep tılge tiek ettı jas otbasy.Öz kezegınde «QazaqGaz» ūlttyq kompaniiasy» AQ basqarma töraǧasy Sanjar Jarkeşov gazǧa qosylu – tūrǧyndardyŋ ömır süru jaǧdailaryn jaqsartumen qatar, äleumettık-ekonomikalyq damudyŋ da negızı ekenın atap öttı.
«QazaqGaz» ūlttyq kompaniiasy elımızdıŋ är öŋırınde joǧary ömır süru standarttaryn qamtamasyz etu üşın tūraqty türde jūmys jürgızıp keledı. Būl – halyqtyŋ äl-auqaty men ekonomikanyŋ ornyqty ösuıne baǧyttalǧan maŋyzdy qadam», – dedı Sanjar Jarkeşov.2024–2028 jyldarǧa arnalǧan investisiialyq baǧdarlama aiasynda «QazaqGaz Aimaq» AQ-nyŋ elordalyq öndırıstık filialy bırqatar eldı mekenderde gaz qūbyrlaryn salu jūmystaryn qarqyndy jürgızıp jatyr. Atap aitqanda, 2025 jylǧy aqpanda Selinograd audanynyŋ Nūrly auylynda da tūrǧyndar tabiǧi gazǧa qol jetkızdı. Aita keteiık, 2020–2024 jyldar aralyǧynda Aqmola oblysynda 657 şaqyrym gaz qūbyry salynyp, paidalanuǧa berıldı. Nätijesınde 9 656 üi gazben qamtyldy. Soŋǧy ırı jobalardyŋ qatarynda – Arşaly audanynyŋ Jıbek joly auylyn gazdandyru jäne «Saryarqa» magistraldy gaz qūbyrynyŋ bırınşı kezeŋı aiasynda 17 eldı mekendı qamtu jūmystary bar. Jaqyn arada elorda maŋyndaǧy auyldardy (Aqqaiyŋ, Qoiandy, Y.Altynsarin, Qaraötkel, Talapker) men Qosşy qalasy gazben qamtamasyz etıledı. Osy jobalar nätijesınde 32 975 abonentke nemese şamamen 140 myŋ tūrǧynǧa tabiǧi gaz qoljetımdı bolady. Äleumettık osal toptarǧa tabiǧi gazǧa qosyluǧa 100 AEK-ke deiın materialdyq kömek körsetıledı.
