2025 jyly Qytaida 13,35 million talapker "gaokao" dep atalatyn ūlttyq joǧary oqu oryndaryna qabyldau emtihandaryn tapsyrady. Būl turaly särsenbı künı QHR Bılım ministrlıgı mälımdegen, dep habarlaidy "Adyrna" ūlttyq portaly.
Atalǧan körsetkış byltyrǧy rekordtyq 13,42 millionmen salystyrǧanda säl tömendegen.
Bılım ministrlıgı öŋırlerge emtihandy tiıstı deŋgeide ötkızuge jäne talapkerlerge barlyq qajettı qyzmet türlerın ūsynuǧa qoldau körsetuge daiyn ekenın mälımdedı.
Emtihanmen bailanysty zaŋsyz äreketterdıŋ aldyn alu maqsatynda el kölemınde arnaiy operasiialar jürgızılude. Būl şaralar emtihan ortasyn onlain jäne oflain türde tazartuǧa, sondai-aq ärtürlı alaiaqtyq formalarymen küresuge baǧyttalǧan.
Emtihan tapsyru oryndaryna tek qauıpsızdık talaptaryna qataŋ tekserısten ötkennen keiın ǧana kıruge bolady. Mūndai tekserıster, äsırese, tyiym salynǧan zattardy – ūialy telefondar, aqyldy saǧattar men közıldırıkterdı – anyqtauǧa baǧyttalǧan.
Bılım ministrlıgı äsırese osal toptarǧa erekşe köŋıl böludı talap ettı. Mysaly, 12 öŋırde köru qabıletı būzylǧan 16 talapkerge arnalǧan Brail jüiesımen basylǧan emtihan paraqtary daiyndalǧan. Sonymen qatar, mümkındıgı şekteulı 14 myŋnan astam talapkerdıŋ emtihanǧa qatysuyna jaǧdai jasalǧan.
Būdan bölek, barlyq talapkerlerge arnaiy psihologiialyq keŋes alu mümkındıgı berılgen.
Joǧary bäsekelestıkpen ötetın "gaokao" emtihany Qytai jastary üşın ömırlık maŋyzdy sanalatyn kezeŋ. Būl emtihannan jaqsy nätije alu – tek joǧary oqu ornyna tüsuge ǧana emes, bolaşaq mansapqa da tıkelei äser etedı.
