Bügın Aqordada Memleket basşysy Qasym-Jomart Toqaev Germaniia Federativtık Respublikasy Bundesratynyŋ Prezidentı, Saar federaldy jerınıŋ Premer-ministrı Anke Relingermen kezdesu ötkızdı. Kezdesu barysynda Qasym-Jomart Toqaev prezidenttık basqaru jüiesı saqtalatynyn aitty, dep habarlaidy "Adyrna" ūlttyq portaly.
Kezdesu barysynda Prezident Germaniiany Qazaqstannyŋ Europadaǧy negızgı strategiialyq serıktesı dep atap öttı. Toqaev būl eldı elımızdıŋ ekonomikasyna jetekşı investisiia qūiyp otyrǧan memleketterdıŋ bırı retınde baǧalady.
"Germaniia – bız üşın maŋyzdy el. Sızderdıŋ memleketpen yntymaqtastyqqa airyqşa män beremız. Juyrdaǧy Germaniiaǧa saparymda Prezident Ştainmaier myrzamen kelıssözder jürgızdım. Parlamentaralyq bailanysty da nyǧaituǧa müddelımız", - dedı Qasym-Jomart Toqaev.
Sondai-aq Memleket basşysy elımızdıŋ ekonomikalyq saiasatynyŋ basym baǧyttaryna toqtaldy. Onyŋ aituynşa, Qazaqstan ırı infraqūrylymdyq jobalardy jüzege asyruǧa, sifrlandyru men jasandy intellekttı damytuǧa, kölık-logistika men auyl şaruaşylyǧyn örkendetuge küş salyp otyr.
Prezident soŋǧy jyldary elde auqymdy saiasi reformalar jürgızılgenın aityp öttı. Ol Konstitusiia men zaŋnamaǧa engızılgen özgerıster Qazaqstannyŋ jaŋǧyru jolyndaǧy qadamdaryn naqtylai tüsetının jetkızdı. Sonymen qatar, qūqyq qorǧau jäne sot jüiesıne de özgerıster engızıluı mümkın ekenın atap öttı. Degenmen prezidenttık basqaru jüiesı saqtalady dep mälımdedı.
Anke Relinger kezdesuge mümkındık bergenı üşın alǧys aityp, Qazaqstandy Germaniia üşın maŋyzdy serıktes dep baǧalady.
"Federaldyq Prezident Ştainmaier – Qazaqstan men Ortalyq Aziianyŋ şynaiy dosy. Ekı eldıŋ igılıgı üşın ortaq maqsattardy ılgerıletuge daiynbyz", - dedı Germaniia Bundesratynyŋ Prezidentı.
Kezdesude Qazaqstan men Germaniia arasyndaǧy sauda-ekonomikalyq, investisiialyq jäne mädeni-gumanitarlyq yntymaqtastyqty damytu mäselelerı talqylandy.
