Qazaqstannyŋ eks-prezidentı Nūrsūltan Nazarbaev Resei prezidentı Vladimir Putin kezdestı. Būl turaly bügın, 29 mamyrda Resei basşysynyŋ baspasöz hatşysy Dmitrii Peskov aitty, dep habarlaidy «Adyrna» tılşısı.
«Kremlde Qazaqstannyŋ tūŋǧyş prezidentı Nūrsūltan Nazarbaevpen jeke kezdesu öttı», – dedı ol.
Soŋǧy ret Nazarbaev 2024 jyldyŋ jeltoqsanynda Putinmen jeke kezdesu üşın Mäskeuge barǧan bolatyn. Kezdesudıŋ män-jaiy egjei-tegjeilı aitylmady. Saiasatkerler jekelei formatta būryn da bırneşe ret kezdesken.
2025 jyldyŋ qaŋtarynda prezident Qasym-Jomart Toqaev «Ana tılı» gazetıne bergen sūhbatynda Nūrsūltan Nazarbaev pen Vladimir Putinnıŋ baiyrǧy dostar ärı ärıptester ekenın aitqan edı.
Sūhbat barysynda: “Jaqynda tūŋǧyş prezidenttıŋ Mäskeuge baryp, Vladimir Putinmen kezdesuın jūrtşylyq san-saqqa jügırttı. Bilıkten ketkennen keiın bes jyldan soŋ būlai jüzdesudıŋ aqylǧa syimaityny aityldy. Qazaqstanda aldaǧy uaqytta Prezident sailauy ötedı-mıs degen boljamdar da paida boldy. Mūndai kezdesu kımge jäne ne üşın qajet, būǧan kım bastamaşy boldy? Sızdıŋ pıkırıŋızdı bılse”, - delıngen saual qoiyldy.
“Nūrsūltan Nazarbaev pen Vladimir Putinnıŋ jeltoqsandaǧy kezdesuı ötken jyldaǧy ekınşı jüzdesuı ǧoi deimın. Küz basyndaǧy bırınşı kezdesu turaly būqaralyq aqparat qūraldarynda aitylǧan joq. Olar baiyrǧy dostar ärı ärıptester retınde jüzdesetın bolsa kerek, ortaq äŋgımelerı de bar şyǧar. Mūndai kezdesuler ädette Nūrsūltan Äbışūlynyŋ bastamasymen ötedı. Ol üşın mūnyŋ maŋyzy zor. Būrynǧy Qazaq KSR Ministrler Keŋesınıŋ töraǧasy, partiia basşysy jäne egemen Qazaqstannyŋ prezidentı retınde Nūrsūltan Äbışūlynyŋ Kremlmen tyǧyz moraldyq jäne saiasi bailanysy baryn esten şyǧarmaǧan jön. Onyŋ talai uaqyty Mäskeude öttı, san märte ıssaparǧa bardy, sezd jäne plenum otyrystaryna qatysty, jūmys babymen jäne resmi saparlarmen de boldy”, - degen edı prezident Toqaev.
