Bügın Aqmola oblysynda Halyqaralyq naşaqorlyqpen jäne esırtkınıŋ zaŋsyz ainalymymen küres künıne orailastyrylǧan esırtkıge qarsy ailyq resmi türde bastaldy. Būl turaly Aqmola oblysynyŋ Öŋırlık kommunikasiialar qyzmetı alaŋynda ötken brifingte aityldy.
Şarada söz söilegen Aqmola oblystyq psihikalyq densaulyq ortalyǧynyŋ bas därıgerı naşaqorlyqtyŋ medisinalyq jäne äleumettık saldarlaryn atap öttı. Onyŋ aituynşa, esırtkıge täueldılık – tek densaulyqqa qauıp töndırıp qana qoimai, otbasylar men qoǧamǧa da eleulı ziian keltıretın kürdelı mäsele.
«2024 jyldyŋ qorytyndysy boiynşa oblysta 413 adam «narkomaniia» diagnozymen dispanserlık esepte tūr. Būl körsetkış ötken jylmen salystyrǧanda şamamen 2,4%-ǧa azaidy. Alaida jasöspırımder arasyndaǧy jaǧdai alaŋdatarlyq: biyl ekı jasöspırımnıŋ esırtkıge täueldılıgı anyqtaldy», – dedı ol.Sonymen qatar, alǧaş ret tırkelgen esırtkıge täueldılerdıŋ sany 2024 jyly 56 adamǧa jetıp, ötken jylmen salystyrǧanda 33%-ǧa artqan. Esırtkıge täueldılerdıŋ basym bölıgı jazasyn öteu mekemelerınde otyrǧandar. Būǧan sebep sottalǧan azamattardy medisinalyq qamtamasyz etu mındetı 2023 jyldan bastap Densaulyq saqtau ministrlıgıne jükteluı.
«Soŋǧy jyldary sintetikalyq esırtkılerge täueldı adamdar sany artty. Būryn mūndai jaǧdailar tırkelmegen bolsa, bügınde būl asa özektı problemaǧa ainalyp otyr», – dep atap öttı spiker.Al Aqmola oblysy PD Esırtkı qylmystaryna qarsy ıs-qimyl basqarmasynyŋ bastyǧy, polisiia polkovnigı Daniiar Sabyrjanov aimaqtaǧy narkokriminogendık jaǧdai turaly baiandady.
«2025 jyldyŋ basynan berı oblysta 136 narkoqūqyqbūzuşylyq tırkeldı. Onyŋ ışınde 56 derek – esırtkını ötkızuge, 3 derek – esırtkı qūraldaryn zaŋsyz jarnamalauǧa qatysty. Sonymen qatar, asa ırı kölemde saqtau faktısı jäne 72 qylmystyq terıs qylyq tırkeldı», – dedı polkovnik.Poliseiler 2024 jylmen salystyrǧanda esırtkı zattaryn köbırek tärkılegen. Atap aitqanda, 2025 jyly zaŋsyz ainalymnan 88 kg-dan astam esırtkı tärkılengen (ötken jyly – 77 kg). Onyŋ ışınde 6,8 kg sintetikalyq esırtkı, 5,7 kg gaşiş jäne 7,6 kg marihuana bar. Sabyrjanovtyŋ aituynşa, biylǧy jyl IIM bastamasymen «Qūqyqbūzuşylyqtardyŋ aldyn alu jyly» dep jariialanyp, aimaqta auqymdy profilaktikalyq jūmystar qolǧa alynǧan.
«Mausym aiynda oblys boiynşa 100-den astam profilaktikalyq ıs-şara ötkızu josparlanǧan. Maqsat jastardy esırtkıden saqtandyru, sau ömır saltyn nasihattau jäne qoǧamda terıs közqaras qalyptastyru», – dedı ol.Brifing soŋynda spikerler barlyq azamattardy belsendılık tanytuǧa, jastarǧa ülgı bolyp, salauatty ömır saltyn ūstanuǧa şaqyrdy.
