Jyl basynan berı Bırjan sal audanynda äleumettık-ekonomikalyq damu baǧytynda jüielı jūmystar atqaryldy. Būl turaly audan äkımı Bolat Qasenov brifingte mälım ettı, dep habarlaidy Öŋırlık kommunikasiialar qyzmetınen.
Audan kölemınde jürgızılgen qūrylys jūmystarynyŋ jalpy kölemı 207 million teŋgenı qūrady. Bıraq ötken jylmen salystyrǧan körsetkış säl tömen. Byltyr ırı jobalar (auruhana, mektep, su qūbyry) qatar ıske asqan bolatyn.
«Biyl halyq qarajaty esebınen 486 şarşy metr tūrǧyn üi paidalanuǧa berıldı. Būl – ötken jyldyŋ körsetkışınıŋ 37,7 paiyzy. Sonymen qatar, äleumettık osal toptar men biudjet salasy qyzmetkerlerın tūrǧyn üimen qamtu maqsatynda 21 päterlı tūrǧyn üidıŋ qūrylysy jalǧasyp jatyr. Bügınde memlekettık qordan tūrǧyn üi kezegınde 258 adam tırkelgen», – dedı audan äkımı.Alǧaşqy merdıgerdıŋ mındetın dūrys oryndamauyna bailanysty kelısımşart būzylyp, jaŋa konkurs nätijesınde «Qarakesek-NT» JŞS anyqtaldy. Jobaǧa oblystyq biudjetten 74 mln teŋge bölıngenımen, jobany naqtylau üşın qosymşa 121 mln teŋge qajet bolyp otyr. Su mäselesı audannyŋ basty basymdyqtarynyŋ bırı retınde qarastyrylady. Makpal auylynda su qūbyry jüiesı tolyq jaŋartylyp, 74 abonent ortalyq su jüiesıne qosyldy.
«Ülgı auylyndaǧy su qūbyry jelılerınıŋ 95%-y aiaqtalǧan. 788 mln teŋge bölıngen būl joba şılde aiynda paidalanuǧa berılmek. Sonymen qatar, Zaozernoe auylyndaǧy su jelısın qaita qūruǧa 297 mln teŋge qarastyrylǧanmen, qosymşa 12 mln teŋge qajet. Uaqytşa būl auylǧa «Kökşe Sement» käsıporny auyzsu jetkızıp otyr», – dep tolyqtyrdy äkım.Aqtas jäne Makinka auyldarynyŋ tozǧan su jelılerıne 55,6 mln teŋgege aǧymdaǧy jöndeu jūmystary josparlanǧan. Al Karatal men Stepniak auyldarynda sudy tūşytu jüiesı bar keşendı blok-modulder ornatylyp jatyr. Stepniak qalasyndaǧy jylu jüiesınıŋ ūzyndyǧy – 15,6 km. Ötken jylytu mausymynda kömır tapşylyǧy men jylu jetkızudegı qiyndyqtar tırkeldı. Osyǧan bailanysty ekı qazandyqtaǧy 6 peştı auystyru turaly şeşım qabyldanyp, būl jūmysqa oblystyq biudjetten 122 mln teŋge bölındı. Audanda jol mäselesı de bırtındep şeşılude. «Auyl – El besıgı» baǧdarlamasy aiasynda Qoǧam jäne Tasşalqar auyldarynyŋ ışkı joldaryna ortaşa jöndeu jūmystary jürgızılude. Būl jūmystarǧa 80 mln jäne 157 mln teŋge bölındı. Audanda 25 mektep pen 2 balabaqşa jūmys ısteidı. Biyl Keŋaşy, Andyqoja batyr jäne Stepniaktaǧy №1 mektepte kürdelı jöndeu jürgızılıp jatyr. Makinka mektebın jöndeuge 225 mln teŋge bölındı. Būlandy auylynda 80 oryndyq mekteptıŋ qūrylysy aiaqtalyp, aula abattandyru jūmystary jürgızılıp jatyr. Medisina salasynda 45 oryndyq auruhana men 200 adamǧa arnalǧan emhananyŋ qūrylysy aiaqtaluǧa jaqyn. Būl jobaǧa 6,1 mlrd teŋge bölındı. Tamyz aiynda tolyq ıske qosu josparlanyp otyr. Sonymen qatar, Andyqoja batyr auylynda jaŋa feldşerlık-akuşerlık punkt salyndy.
«Qazır audanda 18 därıger jūmys ısteidı, qajettılık – 9 maman. Kadr tapşylyǧyn şeşu üşın äkım atyndaǧy atauly şäkırtaqy taǧaiyndalyp, 10 student medisinalyq joǧary oqu oryndarynda oqyp jatyr. Biyl onyŋ 4-euı oquyn aiaqtap, audanǧa kelmek», – dedı äkım.Jyl basynan berı 127 jaŋa jūmys orny aşylǧan. Äleumettık osal toptarǧa 15,5 mln teŋge kölemınde materialdyq kömek körsetıldı. Būl audan halqynyŋ 3,1 paiyzyna teŋ. Jūmyssyzdyq deŋgeiı – 5,2 paiyz, tırkelgenı – 1,4 paiyz. Audanda 14 klub pen 20 kıtaphana jūmys ısteidı. Jastardyŋ bos uaqytyn tiımdı ötkızu maqsatynda jaŋa sport alaŋdary, balalar alaŋdary ornatylyp, ūlttyq sport türlerı damytylyp jatyr. Keŋaşy auylynda futbol alaŋy salyndy. Būqaralyq sportty damytu jolynda «Jeŋıs» sport keşenı men jaŋartylǧan stadion öz jūmysyn jalǧastyruda.