Qazaq handyǧynyŋ 550 jyldyǧyna orai 8&8 JŞS-sı "Qazaq handyǧynyŋ jylnamasy" atty katalog äzırlegen eken. Katalog ışı qatege tūŋyp tūr.
Katalogta Qazaq handyǧynyŋ tuy dep biylǧy jylǧy kerege sipatyndaǧy merekenı toilau belgı-nyşany (emblema) berıledı. Odan bölek, kazaq rularynyŋ taŋbasy köne türık taŋbalaryn jariialaǧan. Ondaǧy mätınnıŋ özı adam tüsınıp bolmaityn därejede qatelıkke toly. "Aŋyz boiynşa, "Jetımsız daladaǧy Taŋbaly Nūra degen jerde jüzderdıŋ barlyq rularynyŋ taŋbalary tasqa oiyp tüsırılgen. Taŋbaǧa bailanysty talastar nemese qazaq rularynyŋ arasyndaǧy dämegöilık bola qalǧan jaǧdaida, onda aqiqatty aiqyndau üşın osy jartasqa kelıp jürgen..." delıngen mätındegı oraşolaq söilemder bırden közge ūrady. Köne Syǧanaq qalasynyŋ orny dep mülde basqa qalanyŋ qirandylarynyŋ suretın bergen eken.
"Qazaq qūryltaiy" degen suretke qarap tūryp taqyr jerge döŋgelene otyrǧan onşaqty adamdardyŋ astynan syz ötpedı me eken dep uaiymǧa qalasyz. Aldylarynda as tügıl, dastarhany joq olar mal baǧyp jürıp kezdesıp qalǧan şopandar emes pe eken dep te bır oilap qoiasyz. Qysqasy, katalog qazaq tarihyn mazaq qylyluǧa ūmtylǧan kalikatura tärızdı äser qaldyrady.
Katalog soŋynda "qūrastyruşylar: Kruglikova Svetlana Vladimirovna, Pesina Elena Markona, bas redaktor: G.K. Kolosova, suretşı: M.B.Sopybekov, Qazaq tılıne audarǧandar: M.B.Jakiianov, E.Q.Qoibaǧarov" dep berılgenBūl katalogqa Qazaq handyǧyna qatysty äldebır konferensiiada kezdestık. Ondaǧy ǧalymdar katalogty körıp, qairan qaldy. Qūrastyruşylarǧa syn pıkırlerın qarşa boratty. Eŋ soraqasy, katalogty qūrastyruşylar ǧalymdardyŋ pıkırıne qūlaq asuǧa mülde peiıl tanytpady.
Arman Äubäkır
