Siriiadan qaitarylǧan qazaqstandyq terroristık ūiym müşelerınıŋ bärı ölgen adamdarmen foto men videoǧa tüsetının aitady.
Astanadaǧy sotta İGİL*-dyŋ qūramynda bolǧan 14 qazaqstandyqtyŋ ısı qaralyp jatyr. 33 jastaǧy sottaluşy Amanjol Janseŋgırov bırınşı bolyp jauap berdı. Ol prokurordyŋ däiekterıne jauap berdı, dep habarlaidy Sputnik Qazaqstan tılşısı.
Tüske deiıngı otyrysta prokuror Edıl Mūrat sottaluşylardyŋ Siriiadaǧy äreketterı jaiynda aita kele, qaruly qaqtyǧystan keiıngı bır jaǧdaidy mysalǧa keltırdı. İGİL* terroristık ūiymynyŋ müşelerı jeŋılıske ūşyraǧan tört adamnyŋ basyn kesıp tastap, qala köşelerınıŋ bırıne jūrt üreiın tudyru maqsatynda jetı täulıkke tastap ketken.
"Terroristık top müşesı Janseŋgırov osy bastardyŋ janynda tūryp, onyŋ bırın aiaǧymen basyp, qolyna atys qaruyn ūstap tūryp, suretke tüsken. Ol suret ǧalamtor arqyly köpşılıkke tarap ketken", - dedı prokuror.Tüsten keiıngı otyrysta Amanjol Janseŋgırov öz äreketın tüsındırdı. Onyŋ sözıne qaraǧanda, terroristık toptyŋ serkelerı jaŋa müşelerdı ädeiı video men fotoǧa tüsırıp otyrǧan. Söitıp, öz elıne qaitpasyn dep, ǧalamtorǧa jüktep jürdı. Al video men fotoǧa tüsuden bas tartatyndardy bırden "tyŋşy" dep, atu jazasyna kesken. Köbısı öz balalary men äielderı üşın qoryqqan. Sol sebeptı foto-videoǧa tüsuge mäjbür boldy. "Sol küngı qaqtyǧystan keiın köp adam tūryp, fotoǧa tüsıp jatty. Köp adam tūrǧasyn, men de bardym. Ol jerdıŋ mentalitetı sondai, barlyǧy ölgen adamdarmen foto men videoǧa tüsedı. Menıŋ qasymda äskeri ämır Sad boldy. Ol maǧan endı baryp sen tüs dedı. "Nege?" dedım. Men senıŋ äskeri ämırıŋmın dep jauap berdı. Aitqanymdy tyŋda, bar tūr dedı. Men tūrdym. Sosyn aiaǧyŋdy qoi dedı. Aiaǧymdy qoidym. Qolyŋdy köter de, kül dedı. Bıraq men ol fotony internetke salǧan emespın. Olar öz telefondaryna tüsırdı, artynan öşıremız dedı", - dedı Janseŋgırov.
