"Qazaqstannyń demokratııalyq tańdaýy" uıymy men onyń jaqtastary 26 qazanda kezekti zańsyz akııalar uıymdastyryp, azamattardy mıtıngke qatysýǵa shaqyrýda
Bas prokýratýra "Qazaqstannyń demokratııalyq tańdaýy" ekstremıstik uıymynyń narazylyq akııalaryn uıymdastyrýshylar men oǵan qatysýshylarǵa zańmen belgilengen tártipte qatań sharalar qoldanylatynyn málimdedi.
"Áleýmettik jelilerde sotpen ekstremıstik dep tanylǵan "Qazaqstannyń demokratııalyq tańdaýy" uıymy men onyń jaqtastary 2019 jylǵy 26 qazanda kezekti zańsyz akııalardy uıymdastyryp, azamattardy oǵan qatysýǵa shaqyryp jatyr", - dedi bas prokýrordyń orynbasary Bolat Dembaev halyqqa arnaǵan úndeýinde.
Aıtýynsha, bul uıymnyń músheleri asa aýyr qylmystar jasaǵany úshin shetelde sot tóreliginen jasyrynyp júr.
Olar turǵyndardy zańǵa qarsy is-áreketterge aıdap salyp, adamdardyń qaýipsizdigine, olardyń ómiri men densaýlyǵyna, qoǵamnyń qalypty tirshilik áreketine qaýip týdyryp otyr.
"Bul tulǵalardyń qoǵamdyq qaýipsizdik pen tártipke qater tóndiretin is-áreketterine jol berilmeıdi jáne olar shekteledi. "Ekstremızmge qarsy is-qımyl týraly" zańnyń 13-babyna sáıkes ekstremıstik uıymdardy tarta otyryp, beıbit jınalystar, mıtıngiler, sherýler, pıketter jáne demonstraııalar ótkizýge, olardyń belgilerin paıdalanýǵa, ekstremıstik materıaldardy taratýǵa jol berilmeıdi", - deıdi ol.
Bolat Dembaev osyǵan baılanysty ekstremıstik uıym bastaǵan ruqsatsyz narazylyq akııalarynyń uıymdastyrýshylary men qatysýshylaryna zańmen belgilengen tártipte qatań sharalar qoldanylatynyn aıtty.
Mıtıngke qatysqandar qalaı jazalanady?
Bas prokýratýranyń habarlaýynsha, zańsyz akııalarǵa qatysý faktileri rastalǵan jaǵdaıda quqyq buzýshylarǵa qatysty ákimshilik quqyq buzýshylyqtar týraly kodekstiń 488-baby boıynsha jaýapkershilik qarastyrylǵan (50 AEK-ke deıin aıyppul (126 150 teńge), 15 táýlikke deıin qamaqqa alý).
"Eger osy is-áreketter azamattardyń, uıymdardyń, qoǵamnyń nemese memlekettiń quqyqtary men zańdy múddelerine eleýli zııan keltirse, ol qylmystyq jaýaptylyqqa ákep soǵady (Qylmystyq kodekstiń 400-baby – ruqsat etilmegen akııalardy uıymdastyrý jáne qatysý, eger bul is-áreketter eleýli zııan keltirse)", - delingen bas prokýratýranyń habarlamasynda.
Bas prokýratýra quqyq buzýshylyqtyń aldyn alý, adamnyń quqyqtary men bostandyqtaryn qorǵaý maqsatynda azamattardy arandatýshylyqqa boı aldyrmaı, ekstremıstik uıymdardyń zańsyz akııalaryna qatysýdan bas tartýǵa shaqyrady.
Sputnik
