Bas prokuratura: erteŋgı mitingke qatysuşylarǧa qataŋ şara qoldanylady

Bas prokuratura "Qazaqstannyŋ demokratiialyq taŋdauy" ekstremistık ūiymynyŋ narazylyq aksiialaryn ūiymdastyruşylar men oǧan qatysuşylarǧa zaŋmen belgılengen tärtıpte qataŋ şaralar qoldanylatynyn mälımdedı. "Äleumettık jelılerde sotpen ekstremistık dep tanylǧan "Qazaqstannyŋ demokratiialyq taŋdauy" ūiymy men onyŋ jaqtastary 2019 jylǧy 26 qazanda kezektı zaŋsyz aksiialardy ūiymdastyryp, azamattardy oǧan qatysuǧa şaqyryp jatyr", - dedı bas prokurordyŋ orynbasary Bolat Dembaev halyqqa arnaǧan ündeuınde. Aituynşa, būl ūiymnyŋ müşelerı asa auyr qylmystar jasaǧany üşın şetelde sot törelıgınen jasyrynyp jür. Olar tūrǧyndardy zaŋǧa qarsy ıs-äreketterge aidap salyp, adamdardyŋ qauıpsızdıgıne, olardyŋ ömırı men densaulyǧyna, qoǧamnyŋ qalypty tırşılık äreketıne qauıp tudyryp otyr.

"Būl tūlǧalardyŋ qoǧamdyq qauıpsızdık pen tärtıpke qater töndıretın ıs-äreketterıne jol berılmeidı jäne olar şekteledı. "Ekstremizmge qarsy ıs-qimyl turaly" zaŋnyŋ 13-babyna säikes ekstremistık ūiymdardy tarta otyryp, beibıt jinalystar, mitingıler, şeruler, piketter jäne demonstrasiialar ötkızuge, olardyŋ belgılerın paidalanuǧa, ekstremistık materialdardy taratuǧa jol berılmeidı", - deidı ol.

Bolat Dembaev osyǧan bailanysty ekstremistık ūiym bastaǧan rūqsatsyz narazylyq aksiialarynyŋ ūiymdastyruşylary men qatysuşylaryna zaŋmen belgılengen tärtıpte qataŋ şaralar qoldanylatynyn aitty.

Mitingke qatysqandar qalai jazalanady?

Bas prokuraturanyŋ habarlauynşa, zaŋsyz aksiialarǧa qatysu faktılerı rastalǧan jaǧdaida qūqyq būzuşylarǧa qatysty äkımşılık qūqyq būzuşylyqtar turaly kodekstıŋ 488-baby boiynşa jauapkerşılık qarastyrylǧan (50 AEK-ke deiın aiyppūl (126 150 teŋge), 15 täulıkke deiın qamaqqa alu). "Eger osy ıs-äreketter azamattardyŋ, ūiymdardyŋ, qoǧamnyŋ nemese memlekettıŋ qūqyqtary men zaŋdy müddelerine eleulı ziian keltırse, ol qylmystyq jauaptylyqqa äkep soǧady (Qylmystyq kodekstıŋ 400-baby – rūqsat etılmegen aksiialardy ūiymdastyru jäne qatysu, eger būl ıs-äreketter eleuli ziian keltirse)", - delıngen bas prokuraturanyŋ habarlamasynda. Bas prokuratura qūqyq būzuşylyqtyŋ aldyn alu, adamnyŋ qūqyqtary men bostandyqtaryn qorǧau maqsatynda azamattardy arandatuşylyqqa boi aldyrmai, ekstremistık ūiymdardyŋ zaŋsyz aksiialaryna qatysudan bas tartuǧa şaqyrady.