Täjık jasöspırımderı älem chempionatyn jeŋıspen bastady

17 jasqa deiıngı Täjıkstan qūramasy Braziliiada ötıp jatqan Älem chempionatynyŋ bırınşı kezeŋınde Kamerunnan kelgen qūrdastaryn jeŋdı. Kezdesu 1-0 esebımen täjıkterdıŋ paidasyna aiaqtaldy, dep habarlaidy Soccerway. Matchtyŋ bırınşı taimynda täjıkter qorǧanysta jatyp, asa saq oinauǧa tyrysty, kamerundyqtar jiı şabuyldady, bıraq qauıptı soqqyny Leonel Vamba jasady, ol taim bıtuge bırneşe minut qalǧanda aiyp alaŋyna kırıp, Şohruh Kirgizboev qorǧaǧan qaqpanyŋ maŋdaişasyn dır etkızdı. Ekınşı taim bastala salysymen, Täjıkstan qūramasynyŋ jattyqtyruşysy Zainiddin Rahimov şabuylǧa serpın berıp, kameraundyqtardyŋ qaqpasyna qysym jasau üşın taǧy bır şabuylşy Rustam Soirovty oiynǧa qosty. Arada alty minut ötken soŋ Kamerun qūramasynyŋ qaqpaşysy Manfred Ekoi jaŋa ǧana oiynǧa şyqqan Soirovty şalyp qūlatty. Penlti!  Şarifbek Rahmatov mümkındıktı mült jıbermei, matchta esep aşty. Finaldyq ysqyryqqa jarty saǧat qalǧanda Soirov özı de gol soqty, bıraq töreşı täjık komandasynyŋ gol salu kezınde ereje būzǧanyn baiqap, goldy sanamai tastady. Kamerundyqtar da qarap qalmai, köp şabuyldady.  Qyrǧyzboevtyŋ qaqpasyna oiyn sätınde tura on soqqy jasady, bıraq täjık qaqpaşysy senımdı qimyldady. Kezdesudıŋ 73-minutynda ekınşı sary qaǧazyn alǧan Şuhrat Elmurodov oiynnan quyldy. Bıraq, 10 oiynşy qalsa da qorǧanysy syr bermegen Täjıkstan jeŋıske jettı. «Balalar bızdıŋ taktikamyzdy sättı oryndady. Äsırese Şohruh qaqpamyzdy senımdı qorǧady. Futbolda qaqpaşy - būl komandanyŋ jartysy degen söz. Ol osy sözdıŋ rastyǧyn däleldedı. Men barlyq täjıkterdı osy jeŋısımen qūttyqtaimyn », - dedı Rahimov matchtan keiıngı baspasöz mäslihatynda. E tobyndaǧy basqa matchta İspaniia men Argentina 0: 0 esebımen teŋ tüstı. Älem kubogyndaǧy kelesı kezdesu, täjıkter 31 qazanda ispandyqtarǧa qarsy ötkızedı. Kamerun Argentinamen oinaidy. Älem chempionaty Braziliiada 26 qazan men 17 qaraşa aralyǧynda ötedı. Turnirge 24 komanda qatysady. Plei-offtaǧy är toptan ekı üzdık komanda şyǧady, sonymen qatar üşınşı oryn alǧan tört üzdık komanda şyǧady. Täjıkstan qūramasy būl turnirdegı Ortalyq Aziianyŋ jalǧyz ökılı. Täjıkter 2018 jylǧy Aziia chempionatynda kümıs alyp,  2019 jylǧy Älem chempionatyna joldama aldy. Būǧan deiın Täjıkstan qūramasy 2007 jyly Oŋtüstık Koreiada ötken jastar arasyndaǧy älem chempionatyna qatysqan bolatyn. Ol kezde toptyq kezeŋde täjık oiynşylary AQŞ-ty (4: 3) jeŋdı, bıraq Belgiiadan (0: 1) jäne Tunisten (0: 1) ūtyldy.