Prezident Qasym-Jomart Toqaev özınıŋ küieu balasy Temırtai Izbastindı Qazaqstannyŋ Bolgariiadaǧy elşısı etıp taǧaiyndady.
"Memleket basşysynyŋ jarlyǧymen Temırtai Rymtaiūly Izbastin Qazaqstannyŋ Bolgariiadaǧy tötenşe jäne ökılettı elşısı qyzmetıne taǧaiyndaldy" delıngen jūma, 1 qaraşada jariialanǧan Aqorda habarlamasynda.
Aşyq derekközderındegı mälımetke säikes, 61 jastaǧy Temırtai Izbastin - Qasym-Jomart Toqaevtyŋ qaryndasy Qarlyǧa Izbastinanyŋ küieuı. Ol 2009 jyly Qazaqstannyŋ Bolgariiadaǧy diplomatiialyq ökıldıgınıŋ jetekşısı bolyp taǧaiyndalǧan. Diplomatiia salasynda 1994 jyldan berı qyzmet atqaryp keledı. Qazaqstandyq BAQ 2013 jyly Toqaevtyŋ ūly Timur jäne Izbastinnıŋ ūly Mūhamed Atyrau oblysynda şikızat igerumen ainalysatyn "Abi Petroleum Kepital" mūnai kompaniiasynyŋ qūryltaişylary ekenın jazǧan.
Jūma, 31 qazanda Qazaqstannyŋ özge elderdegı elşılerınıŋ de auysqany belgılı boldy. Qazaqstannyŋ Qytaidaǧy jaŋa elşısı bolyp Ǧabit Qoişybaev bolyp taǧaiyndaldy. Ol 2015 jyldan berı osy qyzmettı atqarǧan, qazan aiynda syrtqy ıster ministrınıŋ bırınşı orynbasary bolǧan Şahrat Nūryşevtıŋ ornyn basqan. Qoişybaev būǧan deiın prezident äkımşılıgınıŋ syrtqy saiasat jäne halyqaralyq bailanys bölımı jetekşısınıŋ orynbasary bolǧan.
47 jastaǧy Qoişybaev är jyldary Qazaqstannyŋ Qytaidaǧy elşılıgınde türlı qyzmet atqarǧan. Elde narazylyq örşıgen tūsta Qazaqstannyŋ Qytaidaǧy elşısı auysyp otyr. Qyrküiek aiynda Qazaqstannyŋ bırneşe qalasynda "Qytai ekspansiiasyna" qarsy mitingıler öttı. Narazylar Qytaimen qarym-qatynasty şekteudı, Qytai zauyttaryn jabudy talap ettı. Olar būǧan qosa, Pekinnıŋ Şyŋjaŋda az ūlttarǧa jasap otyrǧan qysymyn aiyptap, etnikalyq qazaqtardyŋ "qaita saiasi tärbieleu lagerlerıne" qamaluyn synady.
2018 jyly Bırıkken Ūlttar Ūiymy Şyŋjaŋda millionǧa juyq etnikalyq ūiǧyr men özge de türkıtıldı ūlt ökılderın Qytaidyŋ soltüstık-batysyndaǧy "saiasi tärbie lagerlerınde" ūstap otyrǧany turaly mälımdegen. Bastapqyda mūndai aqparatty terıstegen Pekin keiın ony "ekstremizmge qarsy şara" dep tüsındırgen jäne saiasi lagerlerdı "tıl üirenıp, käsıpke baulityn" ortalyqtar dep ataǧan. Al qamauda bolǧan tūtqyndar būl oryndardyŋ türmege ūqsaitynyn, onda azaptau men qysym baryn aitady.
Aqordanyŋ habarlauynşa, Qazaqstannyŋ Latviiadaǧy elşısı bolyp Timur Pırımbetov taǧaiyndalǧan. Ol Viktor Temırbaevtyŋ ornyn basqan.
"Azattyq" radiosy
