Qazaq ädebietınde Esenberlinge deiın de ūly, aqyn, jazuşylar boldy, alaida tarihi romandy jäne sol romannyŋ jüiesın qazaq ädebietıne Esenberlin engızdı Elordamyzda QR Ūlttyq muzeiınıŋ konsert zalynda körnektı jazuşy Iliias Esenberlinnıŋ 100 jyldyq mereitoiyna arnalǧan saltanatty ıs-şara bolyp öttı.
QR Mädeniet jäne sport ministrlıgınıŋ ūiymdastyruymen ötken şaraǧa qoǧam qairatkerlerı, tarihşy jäne ädebietşı ǧalymdar, būqaralyq aqparat ökılderı qatysty. Atalǧan şara barysynda ǧylymi-praktikalyq konferensiia ūiymdastyrylyp, jazuşynyŋ kıtaptarynyŋ körmesı halyq nazaryna ūsynyldy. Ǧylymi-praktikalyq konferensiiaǧa I.Esenberlinnıŋ mūrasyn zertteuşı tarihşylar, Qazaqstannyŋ bedeldı bılım ordalarynyŋ ǧalymdary men professorlary atsalysty. Is-şaranyŋ qadırlı qonaqtary Memleket tarihy institutynyŋ direktory, tarih ǧylymdarynyŋ doktory, professor Bürkıtbai Aiaǧan, jazuşy, «Otyrar kıtaphanasy» ǧylymi-zertteu ortalyǧynyŋ direktory, filologiia ǧylymdarynyŋ doktory Tūrsyn Jūrtbai, Memleket tarihy instituty direktorynyŋ orynbasary, tarih ǧylymdarynyŋ kandidaty Amangeldı Qaşqymbev, ataqty jazuşynyŋ ūly, tehnika ǧylymdarynyŋ kandidaty Qozykörpeş Esenberlin, jäne basqalar Iliias Esenberlinnıŋ şyǧarmaşylyǧy, eŋbekterınıŋ qoǧamdyq jaǧdaiǧa äserı men Qazaqstan tarihynda alatyn erekşe orny turaly oilarymen bölıstı. Qozykörpeş Esenberlin äkesınıŋ 100-jyldyǧyn ūiymdastyruǧa atsalysqandardyŋ barlyǧyna rizaşylyǧyn bıldırdı. «İlias Esenberlin ärdaiym ǧylymi ızdenıste boldy jäne bızdı-de sol ǧylymǧa tartty. Sondyqtan jastardy bıluge, oquǧa şaqyramyn, öitkenı tek şynaiy bılım ǧana adamdy eŋ biık belesterge jeteleidı», - dep sözın qorytty zaŋǧar jazuşynyŋ ūly Q.Esenberlin. Zertteuşı ǧalym, f.ǧ.dǧ., professor Tūrsyn Jūrtbai özınıŋ kezektı baiandamasyn oqi kele, qazaq ädebietındegı tarihi romannyŋ jüiesın engızgen jazuşy I.Esenberlin bolatyn dedı. «Qazaq ädebietınde Esenberlinge deiın de ūly, aqyn, jazuşylar boldy, alaida tarihi romandy jäne sol romannyŋ jüiesın qazaq ädebietıne Esenberlin engızdı», - dedı T.Jūrtbai. İlias Esenberlinnıŋ 100-jyldyǧyna orai ūiymdastyrylǧan şara soŋy elımızge tanymal sahna şeberlerınıŋ qatysuymen ötken saltanatty konsertke ūlasty. Iliias Esenberlin - qazaq ädebietınıŋ örkendeuıne eleulı üles qosqan, qazaqtyŋ körnektı jazuşysy. Qazaq ädebietınde alǧaşqy bolyp tarihi zerde tamyryna qan jügırtıp, «Köşpendıler», «Altyn Orda» trilogiialarymen ūlt ruhyn tırıltken qalamger. Jazuşynyŋ qalamynan tuǧan «Ǧaşyqtar», «Qaterlı ötkel», «Maŋǧystau maidany», «Altyn attar oianady», «Köleŋkeŋmen qorǧai jür», «Alystaǧy arpalys», «Aqqu qūstar quanyşy», «Mahabbat meiramy» romandary, öz zamanynyŋ özektı taqyrybyndaǧy «Altyn qūs», «Aiqas» kıtaptary tyŋ taqyrypta jazylyp, qazaq ädebietıne serpın äkelgen, oqyrman süiıspenşılıgıne bölengen tuyndylar bolyp tabylady.
e-history.kz
